კომპანია მ2-მა ქუთაისში მწერალთა სახლის ადგილზე სასტუმროს მშენებლობა 2023 წლის ბოლომდე უნდა დაასრულოს. ამის შესახებ მეგა ტვ-ს ინფორმაცია ქუთაისის მერიის ეკონომიკური განვითარების , ადგილობრივი თვითმმართველობის ქონებისა და ტრანსპორტის მართვის სამსახურის ხელმძღვანელმა თინათინ ბერიშვილმა მიაწოდა:
“მწერალთა სახლი 2017 წელს აუქციონის მეშვეობით გასხვისდა, უნდა აშენებულიყო სასტუმრო, რაშიც ჩაიდენოდა 5 მილიონი ლარის ინვესტიცია და 350 კვ.მ კეთილმოწყობილი ფართის მერიისათის გადმოცემის პირობით . ეს პირობა შესრულდა , 5 მილიონის ინვესტია განახორციელა კომპანიამ , ფართიც კეთილმოაწყო , დათვალიერებული აქვს მერიას . 2023 წლის ბოლოს მოგვამართა კომპანიამ, რომ 5 მილიონის ინვესტიცია არ იყო საკმარისი იმისთვის რომ ბოლომდე დასრულებულიყო მშენებლობა და შესაბამისად საკრებულოს განკარგულებით მოხდა ერთი წლით ვალდებულების გადაწევა , დამატებით ერთი მილიონით გაიზარდა ინვესტიციის ვალდებულება , ანუ მთლიანად 6 მილიონის ინვესტირება უნდა განახორციელოს კომპანიამ 2023 წლის 31 დეკემბრამდე .”
