ბათუმში, რამდენიმე დღის წინ, გორიდან სამუშაოდ წასული 42 წლის ქალი, დალი ელიზბარაშვილი პოლიციამ გარდაცვლილი იპოვა.
შინაგან საქმეთა სამინისტრო ქალის სიკვდილის პირველად მიზეზად სუიციდს ასახელებს, ოჯახი კი ოფიციალურ ვერსიას არ ენდობა და ხელახალ ექსპერტიზას ითხოვს.
“პოლიციამ გვითხრა, რომ ეჭვმიტანილი ჰყავდათ აყვანილი, შემდეგ ჩვენ რომ დავიწყეთ თუ ეჭვმიტანილი ჰყავდა აყვანილი, რატომ გვითხარით, რომ თვითმკვლელობა იყო, რამოდენიმე ხნის შემდეგ გვეუბნებიან, რომ უი ბოდიში, შეგვეშალა.ეჭვმიტანილი არ გვყავს აყვანილი. ჯერ ამბობდნენ,რ ომ თავი ჩამოიხრჩო, შემდეგ სხვა ვერსიებს, შემდეგ ეჭვმიტანილი ავიყვანეთთ, შემდეგ ბოდიში, არ გვყავს აყვანილიო”,- ამბობს ნიკა ელიზბარაშვილი, გარდაცვლილის შვილი.
დალი ელიზრაბაშივლი ბათუმში ქირით ცხოვრობდა და მუშაობდა. სამართალდამცველებმა ოჯახს უთხრეს, რომ დალი ელიზბარაშვილი აბაზანაში გარდაცვლილი ნახეს.
“ეს არის ნაცემი! ნატანჯი და ნაწამებია ჩემი შვილი. ხან რას იტყვიან, ხან რას. რას მიბრმავებენ თვალებს. ვის სცემა? ვინ მომიკლა? ლაპარაკობენ ვითომ დაიხრჩო თავიო, რატომ უნდა დაეხრჩო თავი?” ,– ამბობს მანანა ელიზბარაშვილი, გარდაცვლილის დედა.
გარდაცვლილი 42 წლის ქალის ცხედარი 25 იანვარს ნახეს.
ბათუმში 42 წლის ქალის გარდაცვალების საქმეზე 1 პირი დააკავეს
