ხონში ახალგაზდებისათვის განავითარების მეტ შესაძლებლობას ითხოვენ.
ვებ-გვერდზე https://petition.lsg.ge/ შექმნილია პეტიცია , სადაც საუბარია მუნიციპალიტეტში ახალგაზრდული სივრცის შექმნის აუცილებლობაზე
პეტიციის ტექსტის უცვლელად გთავაზობთ:
ახალგაზრდული სივრცე
მოგეხსენებათ, რომ მუნიციპალიტეტის ახალგაზრდებში მაღალია უმუშევრობისა და მიგრაციის დონე. არ არსებობს ახალგაზრდული სივრცეები, რაც მთელი რიგი პრობლემები გამომწვევ მიზეზად სახელდება.
სწორედ ახალგაზრდული სივრცეების არარსებობაა ერთ-ერთი გამომწვევი ფაქტორი მათი ინერტულობისა და მუნიციპალიტეტში მიმდინარე პროცესებში ჩართვის დაბალი მაჩვენებლის.
ახალგაზრდებს სჭირდებათ შესაძლებლობები, ხელის შეწყობა და სივრცეები, სადაც შეძლებენ შეკრებას, იდეების გენერირებას, განვითარებას, სწავლას. ასევე ძალიან მნიშვნელოვანია თანამედროვე სამყაროსთვის ფეხის აწყობა და ტექნოლოგიების მიმართულებით მათი ცოდნის დონის ამაღლება, კომპიუტერული სივრცეების შექმნა და ერთმანეთისათვის თანამედროვე სტანდარტების გაზიარება.
ჩვენი პეტიციის მიზანია, სწორედ მსგავსი სივრცის არსებობის იდეა მივაწოდოთ შესაბამის სტრუქტურებს, რათა უზრუნველყონ თანხების მობილიზება და ადგილობრივი ახალგაზრდებისთვის სათანადო გარემოს შემქნა.
