ვასილ კონდრატევი ოჯახთან ერთად უკვე თითქმის ერთი წელია ქარხნის ყოფილი შენობის რამდენი ოთახსაა შეკედელბული. მეუღლესა და არასრულწლოვან გოგონასთან ერთად ცხოვრება ყოველდღიურად გაუსაძლისი ხდება. შენობაში არც გაზია, არც წყალი, გასაბობათ კი მეზობლის ნაჩუქარ შეშის ღუმელს იყენებენ და თუ აქვთ საჭმელსაც აქვე ამზადებენ. მცირე ავეჯი, რომელიც ოთახში დგას ისიც მეზობლების ნაჩუქარია. ქვეშაგების მოვალეობას მუყაო ასრულებს, ოთახში მორიელები და თაგვები თავისუფლად აღწევენ და ყოველდღიურად საფრთხეს უქმნიან ოჯახს.
ვასილ კონდრატევის მძიმე სოციალურ ვითარებას მძიმე ჯანმრთელობის მდგომარეობაც ემატება. მას წითლი ქარის დაავადება აქვს, შესაბამისად ვერც ციხეში მიღებულ პორფესიას იყენებს. იყო დრო, როცა ხეზე მუშაობდა. ახლა ოჯახი ვერც საყოველთაო დაზღვევით სარგებლობს და ვერც სოციალურ დახმარებას იღებს. ისინი თავს მოწყალების თხოვნიდან ირჩენენ.
ოჯახთან ერთად ცხოვრობს 16 წლის ლუიზა ალიმოვა. მას ეზოში ცალკე ოთახი აქვს მოწყობილი, თუმცა გოგონას საცხოვრებელი გარემოც ისეთივე მძიმეა, როგორც მისი მშობლების. პატარა ოთახში, არც შუქია, არც ფანჯრები, ოთხ კედელში ძლიერის სიცივე და გაუსაძლისი სუნია. ლუიზას სწორედ ასეთ პირობებში უწევს ძილი. ოთახს მხოლოდ დათუნიას წინ ანთებული სანთელი ანათებს, იმ იმედივით, რომელიც 16 წლის ლუიზას თვალებში ისევ ანთია.
ოჯახი უკიდურესად გაჭირვებულია . ისინი დახმარებას ითხოვს. მათ სახელწიფოსთან ერთად იმ კეთილი ადამინების იმედიც აქვთ, ვისაც შეუძლიათ დახმარების ხელი გაუწოდონ . ასე რომ ვისაც შეგიძლიათ მცირედი მაინც გაიღოთ, შეგიძლიათ ესტუმრეთ მათ თამარ მეფის 9 ნომერში, იაკობ ნიკოლაძის სკვერის გვერდით. გაჭირვება და გაუსაძლისი პირობები ქალაქიდან შორს კი არა ქუთაისის შუა გულში შეგიძლიათ ნახოთ. ეს ადამიანები ჩვენ გვერდით ცხოვრენ. ნუ აქცევთ მათ ზურგს , იყავით გულისხმიერნი გააკეთეთ სიკეთე, რათა სხვები თქვენც დაგეხმარონ.
