ქუთაისის მერია, მოქალაქეების მონაწილოებითი ბიუჯეტირების განხორციელებას იწყებს. მონაწილეობითი ბიუჯეტირება საზოგადოების სხვადასხვა ჯგუფებს საშუალებას აძლევს, წარმოადგინონ საკუთარი იდეები ქალაქის კეთილმოწყობისა და ინფრასტრუქტურის განვითარებასთან დაკავშირებით.
როგორც ქუთაისის მერიაში აცხადებენ იდეები შესაძლოა ეხებოდეს შემდეგ სფეროებს: სოციალური, სპორტი, ახალგაზრდული საქმეები, შშმ პირების საჭიროებები, განათლება და ადგილობრივი თვითმმართველობის კომპეტენციაში შემავალი სხვა საკითხები.
მონაწილეობით ბიუჯეტირებას სხვდასხვა ეტაპები აქვს
1. წინადადებების მიღება, რომელიც მიმდინარე წლის 20 სექტემბრამდე გაგრძელდება.
2. მერის მრჩეველთა საბჭოს მიერ იდეების შესწავლა და შეფასება. უმაღლესი შეფასების მქონე იდეების საჯარო კენჭისყრა, რომელიც 9 ოქტომბრიდან 1 ნოემბრამდე მოხდება.
3.საპროექტო განაცხადის შეტანა შეუძლია საქართველოს ნებისმიერ მოქალაქეს საინიციატივო ჯგუფს ან იურიდიულ პირს.
“ქუთაისის მერია წელსაც აგრძელებს მოქალაქეთა ინიციატივების მიღებას ელექტრონული პლატფორმის მეშვეობით. 2019 წლის 20 სექტემბრამდე ნებისმიერ დაინტერესებულ მოქალაქეს ექნება საშუალება წარმოადგინოს საკუთარი ინიციატივა, რომელიც ეხება სხვადასხვა სფეროს. რაც თვითმმართველობის კომპეტენციაში შედის, ამ სამი ინიციატივიდან შეირჩევა ერთი, ხმის მიცემის საფუძველზე, რომელიც იქნება საჯარო. ხმის მიცემაში მონაწილეობის მიღებას შეძლებენ მხოლოდ ქუთაისში რეგისტრირებული მოქალაქეები. ერთი იდეა, რომელიც გაიმარჯვებს აისახება 2020 წლის ბიუჯეტში და დაფინანსდება.
სიახლეები იქნება გაისად. 2020 წელს ეს პროცესი სხვანაირად ორგანიზდება. დავიწყებთ უფრო ადრე და 2020 წელს იარსებებს გარკვეული ფულადი ფონდი და იქნება იმისთვის, რომ ის ინიციატივები, რომელიც ყველაზე მეტ ხმას დააგროვებს დაფინანსდება უკვე 2020 წლის ბიუჯეტითვე.
აქ საუბარია 150 000 ლარზე და ინიციატივებზე, რომლის ღირებულებაც იქნება დაახლოებით 30 000 ლარის ფარგლებში. 2019 წელს პროცესიდან გამომდინარე დაფინანსდება მხოლოდ 1 ინიციატივა, რომელიც დააგროვებს ყველაზე მეტ ხმას და აისახება 2020 წლის ბიუჯეტში.” – განაცხადა ქუთაისის მერის მოადგილე ნინო თვალთვაძემ.
