ხონის დევნილთა საინიციატივო ჯგუფი მუნიციპალიტეტში მომხდარი მკვლელობის ფაქტს ეხმაურება:
“კიდევ ერთი ახალგაზრდა წავიდა ჩვენი დასახლებიდან, ორმაგად მძიმეა გიორგი ჩალაძის გარდაცვალება, რადგან ადამიანის ხელით მოხდა მისი სიცოცხლის შეწყვეტა, გიორგი 33 წლის იყო და ბავშვობიდან ჩვენთან გაიზარდა, აფხაზეთის ომში დაიღუპა მამა გმირულად, მისმა დედამ სამი მცირეწლოვანი შვილი დევნილობაში აღზარდა, თითქოსდა დასრულდა ის მძიმე წლები და ისევ უბედურება დაატყდა ოჯახს.
ვიზიარებთ ამ დიდ მწუხარებას, ვუსამძიმრებთ ოჯახს, ნათესავებს, მეგობრებს, მთლიანად დევნილთა დასახლებას.კიდევ ერთხელ დაგვაფიქრებს ეს ფაქტი ყველას, თუ რამდენად მნიშვნელოვანია, როცა მსგავს შემთხვევებს შევესწრებით ვაცნობოთ შესაბამის სამსახურებს, სანამ შედეგი ფატალური იქნება, ერთად დავიცვათ ერთმანეთის შვილები, რათა შემდეგ არ ვიყოთ სინანულში მთელი ცხოვრებაშსს ცხელ კვალზე დააკავა დამნაშე და დანაშაულში მონაწილე პირები, ყველამ კანონის წინაშე მკაცრად უნდა აგოს პასუხი.”-ვკითხულობთ პოსტში.
შეგახსენებთ ხონში 33 წლის გიორგი ჩალაძე ცივი იარაღის გამოყენებით მოკლეს. შემთხვევას წინ უძღოდა კონფლიქტი და ფიზიკური დაპირისპირება .
როგორც ადგილზე ყვებიან ბარბარობის ღამეს კორპუსში ნასვამ მდგომარეობაში მყოფ პირებს შორის საყოფაცხოვრებო ნიადაგზე კონფლიქტი მოხდა. თვითმხილველთა თქმით გიორგი მდგომარეობის განმუხტვას ცდილობდა , რა დროსაც მას დედის თვალწინ სასიკვდილო ჭრილობები მიაყენეს. ეჭვმიტანილი ადგილიდან მიიმალა, თუმცა იგი პოლიციამ მალევეე დააკავა. გავრცელებული ინფორმაციით მკვლელობაში ბრალდებული ყოფილი სამხედროა.
