“ჩემთვის დიდი პატივია ვატარო მის ქუთაისის სახელი, იმიტომ რომ ქუთაისი ის ქალაქია, სადაც მე დავიბადე და გავიზარდე, ამ ქალაქში ავიდგი ფეხი ჩემს წარმატებებთან ერთად. ქუთაისი არის ჩემთვის დედა ქალაქი” – განაცხადა “მის ქუთაისი 2019”-ის გამარჯვებულმა ქრისტი ესაკიამ “მეგა ტვ”-თან საუბრისას.
ქრისტი ქუთაისის მოზარდ-მაყურებელთა ახალგაზრდული თეატრის “მარჯანიშვილელები” მსახიობია. მან სამოდელო კარიერა 10 წლის ასაკში დაიწყო. არის არაერთი კონკურსის გამარჯვებული. 15 წლიდან, როგორც თავად ამბობს არასაკმარისი დროის გამო შეწყვიტა სამოდელო კარიერა და ახლა კვლავ სცადა ბედი იმ სფეროში, რომელიც ძალიან უყვარს.
“კონკურსში ძალიან ლამაზი და კარგი გოგონები იყვნენ, რაც კონკურენციას კიდევ უფრო ზრდიდა, ამასთან ერთად ემოციებიც უფრო მატულობდა. ისინი ჩემთვის არ არიან კონკურენტები, რომლებთანაც რაღაც სახის ბრძოლა მიწევდა, ისინი ჩემთვის ყველაზე ძვირფასი ადამიანები არიან. ძალიან ლამაზები და ლაღები. თითოეული მათგანი ძალიან მიყვარს და მეამაყება.” – ამბობს ქრისტი ესაკია.
როგორც “მის ქუთაისი” ”მეგა ტვ”-თან საუბრისას აღნიშნავს ის მომავალში კვლავ გეგმავს ამ სფეროში აქტიურად მოღვაწეობას: ”უფრო მეტად ვიმუშავებ ჩემს თავზე, რათა მომზადებული შევხდე მომავლის გეგმებს.”
მის ქუთაისი 2019 წლის 22 ნოემბერს გამოვლინდა. “Mister & Miss” ქუთაისი 2019 -ში მონაწილეობის მიღება 4-დან 18 წლამდე ასაკის მოზარდებს შეეძლოთ, როგორც გოგონებს, ასევე ბიჭებს შეეძლოთ.
ჟიური წევრები იყვნენ პოლიტიკოსი ანი მიროტაძე, მომღერალი მალიბუ ტუღუში, მოდელი მარიამ მირიანაშვილი, მომღერალი ოთო კვალიაშვილი, მსახიობი თამარ მაყაშვილი, ტელერადიო წამყვანი მერსი სულხანიშვილი, მოდელი ელენე ლეშკაშელი, გიგა ყორღანაშვილი, სალომე მხეცაძე და მირანდა ხეცურიანი.
კონკურსი “Best Models Agency ქუთაის”-მა ჩაატა.
