როგორ ვითარდებოდა ქუთაისში, “საქართველოს ბანკში” გამაგრებულ შეიარაღებულ თავდამსხმელთან მოლაპარაკებები – გრიგოლ ნარსია პოლიციისთვის მიცემულ პირველ ჩვენებაში დეტალურად აღწერს, რატომ აიძულებდა ის მძევლებს “ლაივში” ჩართვას და რატომ შეამცირა მან მოთხოვნილი თანხის რაოდენობა:
“ბანკში მყოფ მძევლებს ვეუბნებოდი, რომ თანქონებული მობილური ტელეფონებით განეხორციელებინათ ე.წ. “ლაივში” ჩართვა, რომ ყველას ენახა, რომ ისინი მძევლად მყავდა აყვანილი. აღნიშნულის შემდეგ ბანკის უკანა მხრიდან პოლიციის თანამშრომლებმა მძევლებს ჩემი თანხმობით მიაწოდეს წყალი და სიგარეტი. ამის შემდეგ ბანკის შენობის უკანა მხარეს არსებული ფანჯრის რაფაზე პოლიციის თანამშრომლებმა დააწყვეს რაღაც ფულადი თანხა. მე მათ ერთ-ერთი მძევალი მამაკაცის მეშვეობით გადავეცი, რომ საკმარისი არ იყო ეს ფულადი თანხა და რასაც ვითხოვდი ის მოეტანათ. ამავე დროს დავთანხმდი და შემიმცირეს ჩემს მიერ მოთხოვნილი ფულადი თანხა. ანუ სულ მოვითხოვე 1,5 მილიონი აშშ დოლარი.
ამის შემდეგ პოლიციის თანამშრომლებმა დაიძახეს შენობის უკანა მხრიდან, რომ ჩემთვის მოთხოვნილი ფული ჰქონდათ მოტანილი. მე მოვითხოვე, რომ ის ფანჯრიდან შემოეყარათ შენობაში. ამავე დროს უცებ შენობაში სწრაფად შემოვიდნენ სპეცრაზმელები, მათ გამაკავეს. მე მათ ფიზიკური წინააღმდეგობა გავუწიე, თუმცა მათ მოახერხეს ჩემი დაკავება,” – ამბობს გრიგოლ ნარსია ჩვენებაში.
