ქუთაისში წყალარინების იგივე კანალიზაციის პროექტის ფარგლებში უშუალოდ სამუშაოების განსახორციელებლად ტენდერი
2022 წლის ბოლოს – 2023 წლის დასაწყისში გამოცხადდება. ამის შესახებ მეგა ტვ-ს ინფორმაციას გაერთიანებული წყალმომარაგების კომპანია აწვდის. როგორც კომპანიის მიერ მოწოდებულ ინფორმაციაშია აღნიშნული პროექტისათვის ჯამში დაახლოებით 122 მილიონი ევროა გამოყოფილი
ქუთაისში კანალიზაციის პრობლემა მწვავედ დგას. მოსახლეობის ნაწილი ე.წ “ჩეჩმებით” სარგელბლობს , ნაწილს კი ფეკალიები სანიაღვრე არხებზე აქვს მიშვებული, საიდანაც დაბინძურებული წყალი პირდაპირ მდინარე რიონში ჩაედინება.
“ევროპის საინვესტიციო ბანკის დაფინანსების ფარგლებში,
2021 წლის 20 მაისს კომპანიასა და “JV CDMsmith/Saunders groups”-ს შორის, ხელი მოეწერა ქ. ქუთაისის
ჩამდინარე წყლების გამწმენდი ნაგებობისა და წყალარინების ქსელის რეაბილიტაცია – მშენებლობის
რედიზაინის პროექტისა და ზედამხედველობის ხელშეკრულებას.
პროექტის ღირებულება შეადგენს
6,783,360.20 ევროსა და 883,343.64 ლარს.
“JV CDMsmith/Saunders groups”-ს დასრულებული აქვს საწყისი ანგარიში, დამტკიცებულია
პროექტის მთავარი სამოქმედო გეგმა. ამ ეტაპზე კონტრაქტორი აქტიურად მუშაობს დეტალური
დიზაინისა და სატენდერო დოკუმენტაციის მომზადებაზე, რომლის დასრულების შემდგომ სამშენებლო
სამუშაოებზე გამოცხადდება საერთაშორისო ტენდერი.
აღნიშნული ტენდერის გამოცხადება
დაგეგმილია 2022 წლის ბოლოს – 2023 წლის დასაწყისში. ქ. ქუთაისის ჩამდინარე წყლების გამწმენდი
ნაგებობისა და წყალარინების ქსელის რეაბილიტაცია – მშენებლობის პროექტისათვის (მათ შორის ქ.
ქუთაისის ჩამდინარე წყლების გამწმენდი ნაგებობისა და წყალარინების ქსელის რეაბილიტაცია –
მშენებლობის რედიზაინის პროექტი და ზედამხედველობა)
გამოყოფილია ჯამში დაახლოებით 122 მილიონი ევრო. დამატებითი დეტალური ინფორმაცია ქ. ქუთაისის ჩამდინარე წყლების გამწმენდი ნაგებობისა და წყალარინების ქსელის რეაბილიტაცია – მშენებლობის პროექტის ფარგლებში
შესასრულებელი სამუშაოებისა და შესრულების ვადების შესახებ ცნობილი გახდება დეტალური
დიზაინის დასრულების შემდგომ.”-ვკითხულობთ მოწოდებულ ინფორმაციაში
