დილას მომხდარი მიწისძვრის შედეგად თეთრი წყაროს მუნიციპალიტეტში, ფიტარეთის ღვთისმშობლის სახელობის მონასტერში ფრესკები კვლავ ჩამოიშალა. ინფორმაციას „მოძრაობა კულტურული მემკვიდრეობისთვის“ ავრცელებს.
“საგანგებო განცხადება 
11 ივლისს დილას მომხდარი მიწისძვრის შედეგად (4,8 ml და 4,5 ml მაგნიტუდა; სოფელი სამება – დმანისის მუნიციპალიტეტი) ფიტარეთის ღვთისმშობლის სახელობის მონასტერში (თეთრიწყაროს მუნიციპალიტეტი) ფრესკები კვლავ ჩამოიშალა.ფრესკები ჩამოიშალა 2 მაისის მიწისძვრის დროსაც, რის გამოც 5 მაისს “საყდრისის კომიტეტმა” ოფიციალური წერილით მიმართა კულტურული მემკვიდრეობის დაცვის ეროვნულ სააგენტოს და დაუყოვნებლივ ქმედითი ღონისძიებების გატარება მოითხოვა, თუმცა ამაოდ.”
შეგახსენებთ, 11 ივლისს, დილით 07.36 საათიდან 12:00 საათამდე საქართველოში, სოფელ სამებასთან მიწისძვრა 6 ჯერ მოხდა.
