მიმდინარე წლის პირველი მაისიდან საქართველოში პირადობის აღების ფასი 30 ლარის ნაცვლად 60 ლარი ეღირება, ბიომეტრიული პასპორტი კი 100-ის ნაცვლად 150.
მთავრობის დადგენილებით, იზრდება დოკუმენტების დაჩქარებული წესით აღების საფასურიც.
საქართველოს მოქალაქის ბიომეტრიული პასპორტისა და საქართველოში სტატუსის მქონე მოქალაქეობის არმქონე პირის ბიომეტრიული სამგზავრო პასპორტის განაცხადის შეტანიდან:
- მე-10 სამუშაო დღეს გაცემისათვის მომსახურების საფასური − 150 ლარი ეღირება;
- მე-5 სამუშაო დღეს გაცემისათვის მომსახურების საფასური − 30 ლარი იქნება;
- მე-3 სამუშაო დღეს გაცემისათვის − 75 ლარი;
- მე-2 სამუშაო დღეს გაცემისათვის − 150 ლარი;
- იმავე დღეს გაცემისათვის − 200 ლარი.
საქართველოს მოქალაქის პირადობის ელექტრონული მოწმობის, საქართველოში მუდმივად მცხოვრები უცხოელისა და საქართველოში სტატუსის მქონე მოქალაქეობის არმქონე პირის ბინადრობის ელექტრონული მოწმობების განაცხადის შეტანიდან:
- მე-10 სამუშაო დღეს გაცემისათვის – მომსახურების საფასური − 60 ლარი იქნება;
- მე-5 სამუშაო დღეს გაცემისათვის – 20 ლარი;
- მე-3 სამუშაო დღეს გაცემისათვის – 40 ლარი;
- მე-2 სამუშაო დღეს გაცემისათვის – 60 ლარი;
- იმავე დღეს გაცემისათვის – 90 ლარი.
