,,ოდესაში, 23 აპრილს დამპყრობლების მიერ განხორციელებული დაბომბვის შედეგად, ერთ ოჯახში სამი თაობა დაიღუპა – 3 თვის გოგონა, დედა ვალერია და ბებია. ოდესელმა მცხობელმა იური გლოდანმა ოჯახის წევრები დაკარგა.
ცენტრის, – “დია.ბიზნეს ოდესას” დამფუძნებელმა, ალექსანდრ ვერნიკმა ფეისბუქში დაწერა, რომ ვალერია ძალიან ნათელი ადამიანი იყო, რამდენიმე წლის წინ მის LAPTI გუნდში მუშაობდა.
თავად გლოდანმა სოციალურ ქსელში ოჯახის წევრების გარდაცვალებაზე მოკლე კომენტარი გააკეთა და დაკარგულების ფოტო გამოაქვეყნა. “ჩემებო, ცათა სასუფეველი! თქვენ ჩვენს გულებში ხართ!” – დაწერა კაცმა.
ვალერია გლოდანი არის ხერსონიდან, მისი ქალიშვილობის გვარია იავკინა. ვალერია 28 წლის იყო, სწავლობდა ოდესის ეროვნულ უნივერსიტეტში, ჟურნალისტიკის ფაკულტეტზე.
გოგონა იური გლოდანზე 2019 წლის 30 აგვისტოს დაქორწინდა. მოგვიანებით, წყვილს ქალიშვილი შეეძინა, გოგონას კირა დაარქვეს. ტრაგედიას უკვე გამოეხმაურნენ ვალერიას მეგობრები და მასწავლებლები.
“…ვალერია – კაშკაშა, ლამაზი, კეთილი გოგო… სიტყვები არ მყოფნის, დღეს ვილოცოთ მათთვის.” – წერს მასწავლებელი ნატალია სტებლინა.
“… ოჯახის სამი თაობა ერთდროულად გარდაიცვალა – ლეროჩკა, დედა და სამი თვის ბავშვი. ამაზრზენი მწუხარება.” – გვიზიარებს მასწავლებელი ეკატერინა ვალკოვა.
“იძინე, ძვირფასო გოგონა. ილუსტრაცია – მიქელანჯელოს “განკითხვის დღის” ჩემი ფოტო. გახსოვს, ეს ბოლო იყო, რაც ჩვენ განვიხილეთ.” – წერს ანნა რივო.
წყარო: მერაბ მერკვილაძის ამბები
??️
