ამბროლაურის მუნიციპალიტეტის მერმა ზვიად (დავით) მხეიძემ ,,ლიდერბეთის ” გათამაშებაში ავტომობილი წითელი ფერის ,,პორშე’” მოიგო.
როგორც სოციალურ ქსელში წერენ მას სულ, გათამაშების 48 ბილეთი ჰქონდა და მათ შორის ერთი იღბლიანი გამოდგა.
2019 წლის 26 სექტემბერს შევსებული დეკლარაციის მიხედვით ამბროლაურის მუნიციპალიტეტის მერის თანამდებობაზე მიღებულმა ანაზღაურებამ 2018 წლის მდგომარეობით 26 727,48 ლარი შეადგინა.
რაც შეეხება მის უძრავ-მოძრავ ქონებას ზვიად მხეიძე ამბროლაურში ფლობს საკუთარი სახლისა და მიწის ნაკვეთის 100%-იან წილს, რომლებიც დეკლარაციის მიხედვით 2010 წელს მემკვიდრეობით მიიღო.
რაც შეეხება მის ფინანსურ მდგომარეობას, ქონებრივი დეკლარაციის შევსების მომენტში, საბანკო ანგარიშებზე ჯამში 1 198,67 ლარი ჰქონდა, საკრედიტო ბარათზე კი 0,75 ლარი.
დეკლარაციის მიხედვიტ ამბროლაურის მერმა 2018 წლის 25 აპრილს 10 300 ლარის ღირებულების უძრავი ნივთი შეიძინა, ამავე წლის 4 ოქტომბერს კი სახელფასო სესხი აიღო 22 000 ლარის ოდენობით.
ზვიად მხეიძე დედასთა, მეუღლესთან და ორ შვილთან ერთად ცხოვრობს.
