ოკუპანტები ვოლოდიმირ ზელენსკის მოკვლას ამ დრომდე ცდილობენ – ამის შესახებ უკრაინის პრეზიდენტის ოფისის ხელმძღვანელის მრჩეველი, ალექსეი არესტოვიჩი BBC-სთან ინტერვიუში საუბრობს და ამბობს, რომ რუსებმა პრეზიდენტის ოფისთან ოთხჯერ ისროლეს. მისივე თქმით, ოკუპანტებს სამხედრო-პოლიტიკური ხელმძღვანელობიდან ვინმეს „მოშორებაც“, მათ შორის მისიც. “სხვათა შორის, თქვენი მონამორჩილი პირველ ხუთეულშია. ეს ინფორმაცია ოპერატიულ მონაცემებს ეყრდნობა. მოლაპარაკებების პროცესის მიმდინარეობისას, პრეზიდენტის ოფისზე დარტყმა, საიდანაც პროცესი ვიდეოკავშირით მიმდინარეობს, საკუთარი თავისთვის ყველა გზის მოჭრას ნიშნავს. თუკი მოლაპარაკება არ იქნება – ეს უკვე სრულიად სხვა ვითარებაა, – ამბობს არესტოვიჩი.”არესტოვიჩი ვარაუდობს, რომ ოკუპანტები პრეზიდენტის ოფისს არ დაბომბავენ, თუმცა ეჭვი არ ეპარება, რომ ზელენსკის მკვლელობის მცდელობას ისევ გააგრძელებენ.
მნიშვნელოვანი ინფორმაცია მძღოლებისთვის
ნასვამ მდგომარეობაში ავტომობილის მართვის გამო, მართვის უფლების შეჩერების შემთხვევაში, მძღოლი გადაწყვეტილების გასაჩივრების პერიოდში სატრანსპორტო საშუალების მართვას ვეღარ შეძლებს – აღნიშნული ცვლილება ადმინისტრაციულ სამართალდარღვევათა კოდექსში წელს ამოქმედდა. საუბარია ადმინისტრაციულ სამართალდარღვევათა კოდექსის...
