11 ადგილი საქართველოში, რომელსაც გამოცემა Nationalgeographic მოგზაურებს მოსანახულებლად ურჩევს ასე გამოიყურება.
კაცხის სვეტიკაცხის სვეტი 40 მეტრის სიმაღლის კირქვის სვეტია, რომლის წვერზეც მონასტერი მდებარეობს. სვეტი ჭიათურაში სოფელ კაცხში მდებარეობს, მონასტერი მე-8 მე-9 საუკუნით თარიღდება. მასზე ასვლა მხოლოდ ვიწრო რკინის კიბითაა შესაძლებელი.
მცხეთის ისტორიული ძეგლები
ეს მისტიკური ქალაქი ქვეყნის სულიერი გულია. საქართველოს ყოფილი დედალაქი თბილისთან ახლოს მდებარეობს და იუნესკოს მსოფლიო მემკვიდრეობის სიაშია შეტანილი. აქ მეორე უდიდესი ტაძარი სვეტიცხოველი მდებარეობს. ძეგლი მე-4 საუკუნეში აიგო, თუმცა შემოსევების შემდეგ რამდენჯერმე შეიცვალა იერსახე.
ხედი ჯვრის მონასტრიდან
ჯვრის მონასტერი მნიშვნელოვანი ძეგლია, ხედი კი საკმაოდ სანახაობრივი. შენობა ნაგებობების კომპლექსი სხვადასხვა პერიოდში აშენდა. ჯვრის მონატრიდან შეგიძლიათ მცხეთას გადმოხედოთ, ასევე ნახოთ მდინარეები მტკვარისა და არაგვის შესართავი.
ვარძია
მე-12 საუკუნით დათარიღებული კლდეში ნაკვეთი სამონასტრო კომპლექსი, რომელიც შესაძლოა იუნესკოს სიაში შევიდეს. ვარძია მრავალსართულიანი ანსამბლია, რომელიც 500 მეტრზეა გაშლილი, ქვაბულები იარუსებადაა განთავსებული. ცალკეულ მონაკვეთებში გვხვდება ხუთი, ექვსი და შვიდი იარუსი. აღმოსავლეთ ნაწილში ქვაბულთა 13 იარუსი გვხვდება. ერთიანი სისტემით აქ 19 იარუსია.
უფლისციხე
ერთ-ერთი უძველესი დასახლებაა, რომელიც ქვეყნის აღმოსავლეთ ნაწილში მდებარეობს. იგი 8 ჰექტარს მოიცავს, თავისი გამოქვაბულებით, საცხოვრებელი სახლებით, კუპეებით და ვიწრო ქუჩებით. არქეოლოგებმა ქალაქი 1957 წელს აღმოაჩინეს.
უძირო ტბა
რაჭის მაღალმთიან რეგიონში ულამაზესი ტბა მდებარეობს. ტბა ზღვის დონიდან 2800 მეტრზე მდებარეობს. აქედან კავკასიონზე ულამაზესი ხედი იშლება.
ანანურის კომპლექსი
ანანურის კომპლექსი თბილისიდან 60 კმ-ის დაშორებით მდებარეობს. ანანურის ციხემ უამრავი ბრძოლა გადაიტანა. ციხეებისა და ეკლესიების ანსამბლი მე -13 საუკუნით თარიღდება.
ფალიაშვილის სახელობის ოპერისა და ბალეტის თეატრი
ფალიაშვილის სახელობის ოპერისა და ბალეტის თეატრი, ერთ-ერთია რის გამოც თბილისს აუცილებლად უნდა ესტუმროთ. თეატრი 1851 წელს გაიხსნა და ის ერთ-ერთი უძველესი შენობაა აღმოსავლეთ ევროპაში.
„გადაჭრილი“ გორა
ე.წ „გადაჭრილი“ გორა ნეოლითური სოფელია. ითვლება, რომ მსოფლიოში პირველ ღვინოს სწორედ აქ ამზადებდნენ. კერამიკის ფრაგმენტები, სადაც ღვინის ნარჩენებია, 8 ათასი წლით თარიღდება.
მშვიდობის მონუმენტი
სტეფანწმინდის მიმართულებით სამხედრო გზაზე ეს ძეგლი 1983 წელს აიგო. ის გეორგიევსკის ტრაქტატსა და საქართველო-რუსეთის მეგობრობის 200 წლისთავს მიეძღვნა. მონუმენტი გზიდან მოშორებით ამაღლებულ ბორცვზე მდებარეობს, საიდანაც ხეობასა და მთების მასივზე საოცარი ხედის ნახვა შეგიძლიათ.
ჭიათურის საბაგირო
1800-იან წლებში ჭიათურა საქართველოს მანგანუმის სამთო-ქალაქი იყო. მაღაროელები კი საბაგიროს გადაადგილებისთვის იყენებდნენ. საბაგიროები დღემდე გამოიყენება.
