ტაეკვონდოს ღია ჩემპიონატში, რომელიც თბილისში იმართება არც ერთი გუნდი არ აპირებს მონაწილეობის მიღებას – ამის შესახებ ინფორმაციას ტაეკვონდოს ეროვნული ფედერაციის წარმომადგენელი იმერეთში რომეო გურეშიძე თავის ფეისბუკ გვერდზე წერს:
“გაცნობებთ ყველას ამ შეჯიბრებაში, რომელსაც აწყობს სულხან ბაბუაძე, რაც ამ ეტაპზე წყაროს წყალივით ჭირდება, რათა სპორტის სამინისტროს აჩვენოს ვითომ და შეჯიბრებას აწყობს, არცერთი გუნდი არ აპირებს მონაწილეობის მიღებას, გარდა სამეგრელოს რეგიონისა. მე ღრმად ვარ დარწმუნებული, რო არ გაუკეთოს არცერთ გუნდს ზეწოლა და ძალდატანება და არც ის სამეგრელოს რეგიონის მწვრთნელებიც არ მიიღებს მონაწილეობას, რომლებიც მისი მხარდამჭერები გონია.” – წერს რომეო გურეშიძე.
ტაეკვონდოს ფედერაციაში დაპირისპირებაა. საქართველოს ტაეკვონდოს ეროვნული ფედერაციის წევრები პრეზიდენტის სულხან ბაბუაძის ერთპიროვნული მმართველობისა და კლანის წინააღმდეგ გამოდიან.
თბილისის ღია ჩემპიონატი ტაეკვონდოში 2019 წლის 9-10 ნოემბერს, ქალაქ თბილისში იმართება. როგორც ღონისძიების აღწერაში ვკითხულობთ:
“ტურნირზე მონაწილეობას მიიღებენ შემდეგი ასაკობრივი კატეგორიის სპორტსმენები:
პინები 2010-2011 წელში დაბადებულები
პინები: 2008-2009 წელში დაბადებულები
კადეტები: 2005-2006-2007 წელში დაბადებულები
ახალგაზრდები: 2002-2003-2004 წელში დაბადებულები
შეჯიბრებას იმსაჯებს საქართველოს ტაეკვონდოს ეროვნული ფედერაციის მსაჯთა ბრიგადა.
შეჯიბრების ჩატარებას უზრუნველყოფს ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახური და ტაეკვონდოს თბილისის საქალაქო ფედერაცია” – წერია ღონისძიების აღწერაში.
