ამერიკული ფარმაცევტული კომპანია Moderna კორონავირუსისა და გრიპის საწინააღმდეგო ერთიან ვაქცინაზე მუშაობს. ამის შესახებ საინფორმაციო სააგენტო Reuters წერს.
გამოცემის ცნობით, რნმ-ვაქცინა კომპანიის კორონავირუსის საწინააღმდეგო ვაქცინის ამჟამინდელ ვარიანტსა და გრიპის საწინააღმდეგო ვაქცინას შეიცავს, რომელიც შემუშავების სტადიაზეა.
„დღეს ვაცხადებთ, რომ რესპირატორული დაავადებების წინააღმდეგ ვაქცინის ჩვენი ახალი პროგრამის ფარგლებში პირველი ნაბიჯი გადავდგით, რომლის მიზანი ერთდოზიანი ვაქცინის შექმნაა, რომელიც კორონავირუსისა და გრიპის წინააღმდეგ გამაძლიერებელ დოზას შეიცავს“, – ნათქვამია კომპანიის განცხადებაში.