ვერ დავაქმევ ამას პოლიტიკაში მოსვლას – ასე ეხმაურება დაავადებათა კონტროლისა და საზოგადოებრივი ჯანდაცვის ცენტრის, იმერეთის სამმართველოს უფროსი გოჩა გიორგიძე მის არჩევნებში მონაწილეობას. როგორც ის “მეგა ტვ”-თან საუბრისას აღნიშნავს ყველა ხარაგაულელის ბედი მისთვის მნიშვნელოვანია.
“მე ვარ ხარაგულელი, ჩემთვის ყველა ხარაგაულელის ბედი, მდგომარეობა, ჯანმრთერლობა არის ძალიან მნიშვენლოვბანი. როდესაც მირეკავ და მეუბნებიან რომ მე ვარ ხარაგაულიდან, არასდროს არ ვანსხვავებ, არ ვსვამ კითხვას ვინ მისცა ჩემი ნომერი, მე ყოველთვის მზად ვარ დავეხმარო მათ. ახლაც ჩემი ჩართვა ამ პროცესში, შეიძლება ითქვას რომ, ჩემთვის არის დამატებითი შესაძლებლობა, რომ უფრო მეტი გავაკეთო ამ ადამიანებისთვის, თუ ამის შესაძლებლობა მომეცემა ჩემი სამსახურებრივი პოზიციიდან გამომდინარეც, ჩემი ერთი-ორი გადაწყვეტილებით, სიტყვით. მე ყოველთვის მზად ვარ ჩემს ხარაგაულელებს რაღაც სასიკეთო გავუკრეთო.” – განაცხადა გოჩა გიორგიძემ “მეგა ტვ”-ს პირდაპირ ეთერში.
ცნობისთვის, დაავადებათა კონტროლისა და საზოგადოებრივი ჯანდაცვის ცენტრის, იმერეთის სამმართველოს უფროსი გოჩა გიორგიძე “ქართული ოცნების” საარჩევნო სიაშია და ის 2 ოქტომბერს კენჭს ხარაგაულის საკრებულოს დეპუტატობაზე იყრის.