ინფექციური პათოლოგიისა და შიდსის ცენტრის ბოქსირებული განყოფილების უფროსის მარინა ენდელაძის განცხადებით, იმ კოვიდპაციენტებში, რომელთა მდგომარეობა შედარებით მსუბუქია, შესაბამისად მკურნალობის პერიოდი არც ახალი შტამის პირობებში ხანგრძლივდება.
მისივე განმარტებით, თუ პაციენტის მდგომარეობა მძიმეა, მედიკოსები საკმურნალოდ პრეპარატ რემდესივირს იყენებენ, ენდელაძის მტკიცებით კარგი შედეგი აქვს.
“მე ვერ ვიტყვი, რომ ძალიან გახანგრძლივებულია მკურნალობის პერიოდი, თუ კი მძიმე არ არის.
თუ კი მძიმეა და არის ჩვენება პირველ დღეებში, ვიყენებთ მედიკამენტ რემდესივირს, მიუხედავად ჩვენი ოპონენტების პოზიციისა, და აქვს არაჩვეულებრივად კარგი შედეგი.
პაციენტების დაყოვნება, რომლებთანაც ეს მედიკამენტები გამოვიყენეთ, თითქმის, შემიძლია გითხრათ, რომ 95-98%-ში აღარ ყოფილა საჭირო, როგორც კი დამთავრდება ამ მედიკამენტის გადასხმა, მეორე დღიდან თავს კარგად გრძნობენ.
ოღონდ არ მინდა ეს ვინმემ გაიგოს, რომ ყველა პაციენტზე შეიძლება დაინიშნოს და ყოველთვის.
ამას აქვს თავისი ჩვენება და თავისი ყველაზე პირველი ჩვენება, გარდა სხვა ლაბორატორიული მონაცემებისა, არის ასევე ხანგრძლივობა, ეს მაქსიმუმ ინიშნება 10 დღემდე და სასურველია უფრო პირველ დღეებში,” – განმარტავს მარინა ენდელაძე.
