ცნობილმა ნეირო ქირურგმა, გიორგი გეგიამ ღუდუშაურის კლინიკა დატოვა და როგორც გაირკვა საყვარელ საქმეს ,,პირველ საუნივერსიტეტო კლინიკაში გააგრძელებს.
,,სამაგიეროდ ჩვენი პირველი საუნივერსიტეტო კლინიკაა ბედნიერი” -წერს ერთ-ერთი კოლეგა.
თავად გოგა ექიმს მიზეზებზე არაფერი დაუწერია, თუმცა ფაქტი იმგვარად აღწერა, რომ კიდევ ერთხელ გაცხადდა მისი სულგრძელობაც და დიდბუნოვნებაც:
,,2004 წლის გაზაფხულზე შევადგი ფეხი ქვეყნის მასშტაბით იმ დროისთვის საუკეთესო კლინიკაში, და პირველი ნახვისთანავე შემიყვარდა ყველა და ყველაფერი.
საუკეთესო კოლექტივი, პროფესიონალიზმი, სიმარტივე, სიმყუდროვე, საათივით აწყობილი მექანიზმი… შევიძინე უამრავი მეგობარი, იყო უამრავი გამარჯვება, მარცხიც იყო.
ომი იყო და იყო სამაგალითო ერთობა, მერე იყო არნახული გადინება პროფესიონალებისა, იყო ძვირფას ადამიანებთან განშორება. მოკლედ წისქვილის ქვა არ დატრიალებულა ჩვენს თავზე, სხვა ყველაფერი…
დღეს, ამწუთას რომ მკითხოთ სად შეიძლება იდეალურთან მიახლოებული კლინიკა გაკეთდეს ჩემი პასუხი იგივე იქნება რაც 2003 წელს. ეს ადგილი არის ღუდუშაურის სახელობის ეროვნული სამედიცინო ცენტრი.
ჩვენი განშორების დროც დადგა. წარმატების მეტს ვერაფერს ვუსურვებ. წარმატებებს და ბედნიერებას გისურვებთ ყველა თანამშრომელს, უზომოდ მიყვარხართ!
ჩვენი დაშლა შეუძლებელია, ვინც ერთხელ მაინც “მოიწამლა” იმ საოცარი სიყვარულით იმ ხალხის განშორება წარმოუდგენელია.
რაღაც ძალიან დიდი ეტაპი დამთავრდა ჩემს ცხოვრებაში, მაგრამ მთავარი გამარჯვებები წინ არის. მადლობა ყველას ვინც ხელი შემიწყო, ვინც ხელი შემიშალა, ვინც საშუალება მომცა მეკეთებინა ის საქმე რომელიც სიცოცხლეზე
მეტად მიყვარს!”-წერს გოგა ექიმი სოციალურ ქსელში.
სტატუსს ასობით კომენტარი აქვს და სითბოთი, სიყვარულითა და კეთილი სურვილებით გაჯერებული.
წერენ მადლიერი პაციენტები, კოლეგები, ახლობლები, მეგობრები.
კვლავაც ეიმედებათ, სწამთ და სჯერათ, რომ წინ ახალი გამარჯვებებია და რომ ყველაფერში სამაგალითო ადამიანი კვლავაც ნოვატორი და პირველი იქნება ახლა უკვე, პირველ საუნივერსიტეტო კლინიკაში.
ამონარიდი ასობით კომენტარიდან:
