ბათუმის მეათე საჯარო სკოლის მეორე სართულიდან მოსწავლე გადმოხტა – ამის შესახებ ინფორმაცია TV25-ს წყარომ მიაწოდა. მისივე ცნობით, დაშავებული ბავშვი სამედიცინო დაწესებულებაში მოათავსეს. მოზარდს ორივე ხელი მოტეხილი აქვს. “ბავშვები შატალოზე აპირებდნენ წასვლას, სკოლის კარები იყო ჩაკეტილი, რის გამოც ერთ-ერთი მოზარდი ფანჯრიდან გადახტა”- გვიყვება წყარო. ფაქტს კატეგორიულად უარყოფს სკოლის დირექტორი, თუმცა, სასწავლო დაწესებულებაში მომხდარ ინციდენტს დავით ეცადეიშვილი ადასტურებს. მისი მტკიცებით, მოზარდი ეზოში წაიქცა, რის შედეგადაც ხელი მოიტეხა. სასწრაფო სამედიცინო დახმარების ცენტრში, მოზარდის დაშავების შესახებ შეტყობინება არ შესულა. იაშვილის სახელობის დედათა და ბავშვთა ჯანმრთელობის ცენტრში კი, სადაც სკოლის მოსწავლე იყო მოთავსებული, აცხადებენ, რომ იგი უკვე ბინაზე გაეწერა და მისი ჯანმრთელობის მდგომარეობა სტაბილურია.
ერთადერთი გამოსავალია ახალი არჩევნები – ოთხი ოპოზიციური გაერთიანება
არალეგიტიმურ პარლამენტს არ აქვს პრეზიდენტის არჩევის უფლებამოსილება, სალომე ზურაბიშვილი რჩება პრეზიდენტად, საქართველოს თავდაცვის ძალების უმაღლეს მთავარსარდლად და ქვეყნის უმაღლეს წარმომადგენლად საგარეო ურთიერთობებში, – ამის შესახებ „კოალიცია ცვლილებისთვის“, „ერთიანობა ნაციონალური მოძრაობის“,...
