საჯარო მმართველობის რეფორმის შესახებ მედიისათვის ორდღიანი ტრენინგი ჩატარდა. შეხვედრას ქუთაისის სხვადასხვა მედიის წარმომადგენლები ესწრებოდნენ. 20-21 მარტს ბორჯომში გამართულ ტრენინგზე ჟურნალისტებმა მენტორებთან ერთად განიხილეს თუ როგორ მიმდინარეობს საქართველოში საჯარო მმართველობის რეფორმა, რა ხარვეზები არსებობს ცენტრალურ და მუნიციპალურ დონეზე, რა გამოცდილებას გვაძლეს ევროკავშირი და როგორ ასრულებს რეფორმას საქართველო, რომელიც ასოცირების ხელშეკრულებით ნაკისრი ვალდებულების ნაწილია. საჯარო მმართველობის რეფორმის ერთ-ერთი მიზანია საჯარო მოხელის პოლიტიკური ზეგავლენისაგან გათავისუფლება და პროფეისული, პოლიტიკურად ნეიტრალური საჯარო სამსახურის ჩამოყალიბება. ტრენინგზე განსახილველ თემებს შორის ასევე იყო საჯარო სერვისები, კანონი საჯარო მმართველობის შესახებ და ანგარიშვალდებულება. ტრენინგი რეგიონალური ინიციატივების ცენტრ “ნათელი მომავლის” მიერ, პროექტ “PAR-ის მონიტორინგი საზოგადოების ინფორმირებულობის გზით ” ფარგლებში ჩატარდა. პროექტი დაფინანსებულია “ახალგაზრდა იურისტთა ასოციაციის მიერ, მცირე გრანტების ფარგლებში.
სახელმწიფო უნივერსიტეტებში სწავლა სრულად უფასო არ იქნება – დადგენილება
საქართველოს მთავრობის მიერ დაფუძნებული უმაღლესი საგანმანათლებლო დაწესებულების დაფინანსების წესი და პირობები მთავრობის დადგენილებით განისაზღვრა. ცნობილია, რომ სახელმწიფო უნივერსიტეტებში იმოქმედებს: ა) საბაზო დაფინანსება; ბ) სახელმწიფო დაკვეთის _ შესრულებაზე დაფუძნებული დაფინანსება, ეს...
