მსოფლიო ისტორიაში, ყველაზე დიდი ვაქცინაციის კამპანია დაწყებულია. Bloomberg-ის მიერ გავრცელებული ინფორმაციის მიხედვით, ვაქცინის 15 მილიონი დოზა მსოფლიოს 35 ქვეყანაში უკვე ჩაშვებულია და ეტაპობრივად მიმდინარეობს ვაქცინაციის კამპანია, თუმცა მსოფლიოსთვის ჯერ კიდევ მილიარდობით დოზაა გადასანაწილებელი.
საუკუნის ყველაზე რთულ პანდემიის მიუხედავად, ქვეყნებმა მოახერხეს და წინასწარ დაჯავშნეს ვაქცინები. ვაქცინების 8,25 მილიარდი დოზა, უკვე წინასწარ დაჯავშნილია. აღნიშნული რაოდენობა, მხოლოდ მსოფლიო მოსახლეობის ნახევარს ეყოფა, თუ გავითვალისწინებთ იმას, რომ ვაქცინების უმრავლესობას 2 დოზა გააჩნია, ანუ თითო ადამიანზე ორი შრატი. არსებული ინფორმაციით, ზოგიერთ ქვეყანას 2022 წლამდე ან შესაძლოა, კიდევ უფრო მეტ ხანსაც ლოდინი მოუწიოს.
ნახეთ ქვეყნები, სადაც ვაქცინაცია უკვე დაწყებულია:
Bloomberg-ის ინფორმაციით, მსოფლიოს 9 საიმედო ვაქცინიდან 7, ლიმიტირებული რაოდენობით, რამდენიმე ათეული ქვეყნისათვის, უკვე ხელმისაწვდომია. სხვადასხვა ერები მილიარდობით დოლარს ხარჯავენ ახალი, ეფექტური და ეფექტიანი ვაქცინის შესაქმნელად, ატარებენ ცდებს და მათი წარმოების ფარგლებს აფართოებენ.
ყველა შექმნილი ვაქცინა, რაღა თქმა უნდა ეფექტური არ აღმოჩნდა. მაგალითად, გასული წლის 10 დეკემბერს, ავსტრალიაში დამზადებული ვაქცინა ცდების დროს წარუმატებელი აღმოჩნდა. მეორე დღეს კი, ფრანგულ-ბრიტანული Sanofi-სა და GlaxoSmithKline-ის ვაქცინამაც კლინიკური ცდების დროს რეგრესი განიცადა.
მიზანი თითოეული მათგანისთვის ერთია – რაც შეიძლება სწრაფად, რეკორდულ დროში მოახერხონ კორონავირუსის დამარცხება. უკვე რეგისტრირებული არცერთი ვაქცინა საკმარისი არაა მსოფლიო მოსახლეობის სრული ვაქცინაციისთვის, თუმცა ამ დროისთვის, აღნიშნული ვაქცინები იმ პანდემიის დამარცხების საუკეთესო შანსი და საშუალებაა, რომელმაც გლობალურად, 1,8 მილიონი ადამიანის სიცოცხლე უკვე შეიწირა.
საუკუნის ყველაზე რთულ პანდემიის მიუხედავად, ქვეყნებმა მოახერხეს და წინასწარ დაჯავშნეს ვაქცინები. ვაქცინების 8,25 მილიარდი დოზა, უკვე წინასწარ დაჯავშნილია. აღნიშნული რაოდენობა, მხოლოდ მსოფლიო მოსახლეობის ნახევარს ეყოფა, თუ გავითვალისწინებთ იმას, რომ ვაქცინების უმრავლესობას 2 დოზა გააჩნია, ანუ თითო ადამიანზე ორი შრატი. არსებული ინფორმაციით, ზოგიერთ ქვეყანას 2022 წლამდე ან შესაძლოა, კიდევ უფრო მეტ ხანსაც ლოდინი მოუწიოს.
