ქუთაისში 2 ქუჩის სარეაბილიტაციოდ 15 მილიონი ლარი გამოიყო. ამ თემაზე სტრატეგია აღმაშენებლის გუნდის ქუთაისის მერობის კანდიდატმა ანდრო ლოსაბერიძემ ბრიფინგი გამართა.
,,კორონაპანდემიის პირობებში, როცა სკოლებში სველი წერტილების ელემენტარული ჰიგიენის პრობლემა გადაუწყვეტელია, როცა ელექტრონული მოწყობილობების და ინტერნეტის ხელმისაწვდომობა დაბალია, ხელისუფლება ორი ქუჩის სარეაბილიტაციოდ 15 მილიონის დახარჯვას აპირებს.” – განაცხადა ანდრო ლოსაბერიძემ.
ქუთაისში აღმაშენებლის და წერეთლის ქუჩების რეაბილიტაცია უკვე დაწყებულია. სამუშაოებს ,, ბლექსი გრუპი” და ,, აკორდ ჯორჯია” ასრულებს. ამასთან უკანასკნელს უამრავი დავალიანება აქვს როგორც სახელმწიფოს, ისე კერძო კომპანიების მიმართ. ჯამში 4 ნახევარი კილომეტრი გზის დასაგებად 15 მილიონი ლარი დაიხარჯება.
