ქუთაისში საქართველოს მედიცინის მუშაკთა პროფესიული კავშირის იმერეთის ორგანიზაცია დაარსდა. შეხვედრას ქუთაისის სხვადასხვა კლინიკის თანამშრომლები ესწრებოდნენ.
როგორც მედიცინის მუშაკთა პროფესიული კავშირის პრეზიდენტმა ირაკლი ამირანაშვილმა განაცხადა შეხვრეის და ორგანიზაციის დაარსების მიზანს წარმოადგენს სამედიცინო სფეროში დასაქმებული მედპერსონალის შრომითი უფლებების დონის ამაღლება.
“დღესვანდელი სემინარის მიზანია მედპრესონალმა იცოდეს თუ რა უფლებები აქვთ როგორც დასაქმებულ ადამიანებს, თუ როგორ უნდა ითანამშრომლონ დამსაქმებელთან. მათ უნდა იცოდნენ რა უფლბები აქვთ შვებულებასთან დაკავშირებით, ხელფასთან, უმიზეზოდ გათავისუფლებასთან დაკავშირებით. ეს ერთჯერადი შეხვედრა არ არის, ჩვენ სისტემატიურად ვივლით საქართველოს მასშტაბით და გავაცნობთ მათ ყველა იმ ინფორმაციას რაც უნდა იცოდნენ.” – განაცხადა ირაკლი ამირანაშვილმა.
როგორც მედიცინის სფეროში დასაქმებულები აცხადებენ მსგავსი ორგანიზაციები და შეხვედრები მათ შრომითი უფლებების დაცვაში, დამსაქმებელთან ურთიერთობების მოწესრიგებაში და კვალიფიკაციის ამაღლებაში დაეხმარებათ:
“ასეთი შეხვედრები ინფორმატიულობის კუთხით ძალიან კარგია. ჩვენ გვექნება შესაძლებლობა რომ უფრო მეტი ვიცოდეთ ჩვენი უფლებების შესახებ. ჩვენი შრომითი უფლებები ჩვენი ცნობიერების ამაღლების შედეგად ბევრად უფრო მეტად იქნება დაცული და უფრო მეტი გვეცოდინება იმის შესახებ თუ დასაქმებულსა და დამსაქმებელს შორის რა ტიპის ურთიერთობა უნდა შედგეს.” – ამბობს კლინიკის “ბომონდი” მეან-გინეკოლოგი თეონა ლორთქიფანიძე.
“ასეთი ორგანიზაციები აუცილებელია იმისათვის რომ დაცული იყოს არა მარტო ექიმი, ექთანი და სანიტარი, არამედ სამედიცინო სფეროს ყველა წარმომადგენელი. არ მოხდეს ჩვენი კოლოგებისა და თანამშრომლების, უხეშად რომ ვთქვათ ტალახში ამოსვრა. მე როგორც ექიმს მწამს და ვარ პასუხისმგებელი ადამიანის სიცოცხლეზე, იურიდიულად პასუხისმგებელი ვარ და ჩემზე უკეთ არავის არ უნდა იმ ადამიანის კარგად ყოფნა, ამას ჩვენი საზოგადოება ვერ ითავისებს და ჩვენ მტრები ვგონივართ, ამიტომ საჭიროა ასეთი ორგანიზაციები, რომლებიც დაიცავს სამედიცინო სფეროს წარმომადგენლებს, ჩვენ თვითონ ამას ჩვენ ვერაფერს ვერ ვუშველით.” – განაცხადა კლინიკის “უნიქალ მედი” ნევროლოგიური მიმართულების ხელმძღვანელმა დათა გოგელიძემ.
მედიცინის მუშაკთა პროფესიული კავშირის შექმნის მიზანს სამედიცინო სფეროში დასაქმებულებთან მუშაობა, მათთვის შრომითი უფლებებისა და უსაფრთხოების საკითხების გაცნობა წარმოადგენს. მედიცინის მუშაკთა პირველადი პროფკავშირული ორგანიზაცია ასევე იზრუნებს, სამედიცინო სფეროს წარმომადგენლების გაცვლით პროგრამებში ჩართვაზე.
მედიცინის მუშაკთა პროფესიული კავშირი ქვეყნის მასშტაბით 6000-მდე წევრს აერთიანებს.
