აქცია „სირცხვილიას“ მონაწილეები დეპუტატებისათვის „სირცხვილის კორიდორის“ მოუწყობას გეგმავენ.
„3 სექტემბერს, როცა საშემოდგომო სესიის პირველი პლენარული სხდომა უნდა გაიმართოს პარლამენტში. ყველა შესასვლელთან იქნებიან „სირცხვილიას“ მონაწილეები და ადამიანები, ვისაც უბრალოდ აღარ უნდა, რომ მსგავს აბსურდში იცხოვროს. მოვაწყობთ „სირცხვილის კორიდორებს“ და დეპუტატებს, რომლებიც იქ შევლენ, გავატარებთ „სირცხვილის კორიდორში“. არავითარი აგრესია არ იქნება და არავითარი ლანძღვა-გინება. დავდგებით კორიდორის პრინციპით და დავიძახებთ, რომ „სირცხვილია“. გაიარონ ამ „სირცხვილის კორიდორში“. დღის პირველი ნაწილის ამბავი ამით დასრულდება და საღამოს უკვე აქციის რეჟიმზე გადავალთ. აქცია 19:00 საათზე დაიწყება. ამ დღეს გადაცემის ნაცვლად, აქციის რეჟიმზე ვიქნებით“, – განაცხადა გიგა მაქარაშვილმა.
