ჩვენთან მკურნალობა კოვიდინფიცირებული პაციენტების მკურნალობა 10 კლინიკაში მიმდინარეობს. მკურნალობა ერთიანი მიდგომითა და სქემით ხორციელდება. ამავე დროს თითოეულ პაციენტთან მკურნალობის საკითხი ინდივიდუალურად წყდება, რადგან კოვიდი ძალიან მრავალსახოვანი დაავადებაა, – ამის შესახებ ინფექციური საავადმყოფოს დირექტორმა მთავრობის ადმინისტრაციაში გამართულ ბრიფინგზე განაცხადა.
თენგიზ ცერცვაძის თქმით, კორონავირუსს ძალიან ბევრი ისეთი თვისება და გართულებები აღმოაჩნდა, რაც აქამდე მედიკოსებისთვის არ იყო ცნობილი. მისივე განმარტებით, გზადაგზა მნიშვნელოვანი გადაწყვეტილებების მიღება უხდებათ.
„ჩვენი ჯგუფი ჯანდაცვის მინისტრს შეხვდა და განვიხილეთ ყველა აქტუალური საკითხი, რაც პაციენტების მკურნალობას ეხება. იცით, რომ საქართველოს ევროპასა და ჩრდილოეთ ამერიკაში, სხვა ქვეყნებთან შედარებით ძალიან კარგი მდგომარეობა აქვს. სულ 511 პაციენტი გვყავს. კიდევ უფრო კარგი მდგომარეობაა გარდაცლილი პაციენტების რიცხობრივი მაჩვენებლით. სულ 6 გარდაცვლილი პაციენტია და ეს საუკეთესო მაჩვენებელია ევროპასა და ჩრდილოეთ ამერიკაში. შესაბამისად, ძალიან დიდი ალბათობით, ეს იმაზე მიუთითებს, რომ ქვეყანაში მკურნალობის ტაქტიკა და პაციენტების მოვლა სწორია“ – განაცხადა თენგიზ ცერცვაძემ.
