“ბოლო პერიოდში ერთი ფრაზა ამეკვიატა: „ყველაფერი მეორდება, სიცოცხლის გარდა.“ რამდენიმე დღის წინ ეს სიტყვებიც დავწერე, მაგრამ ვერ წარმოვიდგენდი, ასე მწარედ თუ გამიმართლდებოდა.დღეს, როცა რუხის ხიდზე ჩემი გოგოს უსულო სხეული, სამუდამო სასახლეში ჩასვენებული, უკანასკნელ გზაზე გავაცილეთ, მივხვდი, რომ ისტორია მართლაც განმეორდა.ზუსტად ამავე ხიდზე, მრავალი წლის წინ, ასევე მივაცილებდით ჩვენთვის უძვირფასეს ადამიანებს. მაშინ იმ ტკივილმა არ მომკლა, მაგრამ მომსპო, გამანადგურა და ჩემი ჯანმრთელობა სამუდამოდ შეცვალა.ამბობენ, „რაც არ გკლავს, გაძლიერებს.“ ალბათ, რაღაც დოზით ასეც არის… მაგრამ არსებობს ტკივილი, რომელიც არ გკლავს, თუმცა შენში რაღაცას სამუდამოდ ცვლის. ის გასწავლის ცხოვრებას მოუშუშებელი ჭრილობით.დღეს ყველაფერი თავიდან განმიახლდა. ისევ დავემშვიდობე ჩემთვის უსაყვარლეს ადამიანს და გულში კიდევ ერთი მოუშუშებელი ჭრილობა დარჩა.მართლა… ყველაფერი შეიძლება განმეორდეს, სიცოცხლის გარდა”“ვერასდროს წარმოვიდგენდი, რომ ასე მალე დაგემშვიდობებოდი მალვი…
მარადიული ნათელი შენს სულს.( ჩემო უბოროტო,უკეთილშობილესო და ლამაზო გოგო..)
“მალვინა რამდენი რაღაც შემიძლია გავიხსენო
რამდენი აზრები,ფიქრები,მოგონებები
შენ რატო მალვინა ასე
არ მინდა დაჯერება
“რატომ ხდება ამდენი უსამართლობა ასეთი ახალგაზრდა როგორ უნდა მიდიოდეს იმ ქვეყნად ღმერთოოო”
“მიჭირს შენზე წარსულში საუბარი ჩემი უწყინარი, გაწონასწორებული და მშვიდი გოგო ჩემი პირველი გამოშვება უფალსებარებოდეს შენი წმინდა და უმანკო სული ) თანავუგრძნობ ოჯახს და თითოეულ კლასელს ამ დიდ ტრაგედიას”
“ლამაზო ნათელში იყავი+ . ეს ის მომენტია როცა ვერაფრის თქმასაც ვერ ახერხებს ადამიანი ეჰ……” – წერენ სოციალურ ქსელში ახლობელბი.
ჩხორია-ლიის საავტომობილო გზაზე მომხდარი მძიმე ავტოსაგზაო შემთხვევის შედეგად 35 წლის მალვინა გულუა დაიღუპა, რომელიც ოკუპირებულ აფხაზეთში ცხოვრობდა.
არსებული ინფორმაციით, ავტომობილში, სავარაუდოდ, ოჯახის წევრები იმყოფებოდნენ. ავარიის შედეგად კიდევ ოთხი ადამიანი დაშავდა.
შინაგან საქმეთა სამინისტრომ მომხდართან დაკავშირებით ერთი პირი 276-ე მუხლით დააკავა, რაც ტრანსპორტის მოძრაობის ან ექსპლუატაციის წესის დარღვევას გულისხმობს. რა გახდა ავარიის მიზეზი, გამოძიება დაადგენს.
დაღუპული ორი მცირეწლოვანი შვილის დედა იყო.
