ბოლნისში დედამ 7 წლის შვილი მოკლა – ინფორმაციას ადგილობრივი მედია Aktual ge ავრცელებს და წერს, რომ შემთხვევა გუშინ მოხდა.
მათივე ცნობით, 42 წლის ქალმა 7 წლის ბიჭს სასიკვდილო ჭრილობები დანით მიაყენა.
გამოცემა წერს, რომ ფაქტის შემდეგ ოჯახის წევრებმა მომხდარის დამალვა სცადეს.
არსებული ინფორმაციით, მომხდარის შემდეგ დედამ დანით 9 ჭრილობა მიიყენა, თუმცა ექიმებმა მისი გადარჩენა შეძლეს.
მომხდარის შესახებ სოციალურ ქსელში წერს ჯეიხუნ მუჰამედალიც.
რა წყეული დღეები გვაქვს! ბოლნისის სოფელი ხახალაჯვარში დედამ 7 წლის ბავშვი მოკლა მერე თვითმკვლელობა სცადა და დანით 9 ჭრილობა მიიყენა, თუმცა ექიმებმა ის გადაარჩინეს. ამბავი წუხელ საღამოს მოხდა. პ.ს სავარაუდოდ დედას ფსიქოლოგიური პრობლემები ჰქონდაო” – წერს მუჰამედალი.
