სამეგრელოში ბრაკონიერობის ფაქტები გამოვლინდა. უკანონო თევზჭერა გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს თანამშრომლებმა ხობის მუნიციპალიტეტში გამოავლინეს.
სოფელ ახალ ხიბულაში, ზუბის უბანში არსებულ ღელეში მოქალაქემ ელექტროიარაღის
გამოყენებით ქაშაპის სახეობის 1 კგ თევზი მოიპოვა.
ელექტროიარაღის გამოყენებით ცდილობდა თევზჭერას მოქალაქე სოფელ საჯიჯაოშიც,
მდინარე ჭანისწყალზე, თუმცა დეპარტამენტის თანამშრომლებმა ფაქტი მანამ
აღკვეთეს, სანამ ბრაკონიერი თევზს მოიპოვებდა.
ელექტროიარაღით თევზჭერა სისხლის სამართლის დანაშაულია და ორივე ფაქტის
მასალები, შემდგომი რეაგირების მიზნით, შესაბამის უწყებაში გადაიგზავნა.
ელექტროიარაღი ადამიანთა სიცოცხლისა და ჯანმრთელობისთვისაც საფრთხეს
წარმოადგენს. ელექტროიარაღის დამზადება, შეძენა, შენახვა, ტარება, გადატანა,
გადაზიდვა, გადაგზავნა ან გასაღება კანონით დასჯადი ქმედებაა.
