საქართველოში 2025 წელს, ელექტროენერგიის მიწოდების შეწყვეტის 87 378 ფაქტი დაფიქსირდა. ამის შესახებ მომხმარებელთა ინტერესების საზოგადოებრივი დამცველის სამსახურის 2025 წლის საქმიანობის ანგარიშშია აღნიშნული.
დოკუმენტის თანახმად, 2025 წლის განმავლობაში ენერგოომბუდსმენის აპარატში ელექტროენერგეტიკის სექტორთან დაკავშირებით, მომხმარებელთა მხრიდან ჯამში, 444 განცხადება დარეგისტრირდა.
კომპანიების მიხედვით განცხადებები შემდეგნაირად გადანაწილდა:
- სს „თელასი“ – 60;
- შპს „თელმიკო“ – 31;
- სს „ენერგო-პრო ჯორჯია“ – 344;
- სს „ეპ ჯორჯია მიწოდება“ – 9.
„გამანაწილებელი ქსელის გამართული ფუნქციონირების საჭიროება და აუცილებლობა კიდევ უფრო აქტუალურია ელექტროენერგიის მომხმარებელთა მზარდი ტენდენციის ფონზე.
ელექტროენერგიის მომხმარებელთა რაოდენობის ზრდა ეხება როგორც საყოფაცხოვრებო, ისე არასაყოფაცხოვრებო სექტორს.
საქართველოში 2025 წელს ელექტროენერგიის 87 378 წყვეტა დაფიქსირდა – სრული სტატისტიკა
2025 წლის სურათი შემდეგნაირად გამოიყურება:
სს „თელასის“ მიერ წარმოდგენილი ინფორმაციით, დედაქალაქს დაემატა 34 112 ახალი აბონენტი. მათ შორის: 30 381 – საყოფაცხოვრებო მიზნით მოიხმარს ელექტროენერგიას, ხოლო 3 741 აბონენტი წარმოადგენს არასაყოფაცხოვრებო მომხმარებელს.
თვითმმართველი ქალაქებისა და სხვა მუნიციპალიტეტების მასშტაბით, სს „ეპ ჯორჯია მიწოდების“ მონაცემების თანახმად, დაემატა – 28 045 საყოფაცხოვრებო და 5 057 არასაყოფაცხოვრებო მომხმარებელი,“ – ვკითხულობთ ანგარიშში.
დოკუმენტში მოყვანილია სტატისტიკა ელექტროენერგიის წყვეტების შესახებაც. როგორც ცნობილია, მომსახურების გეგმური/არაგეგმური წყვეტა შეიძლება იყოს შიდა ან გარე მიზეზით.
ცნობისთვის, გარე მიზეზად მიიჩნევა დაუძლეველი ძალა ან სისტემის ოპერატორისაგან დამოუკიდებელი ნებისმიერი სხვა მიზეზი.
ანგარიშის თანახმად, 2025 წლის მანძილზე დედაქალაქში ელექტროენერგიის მომსახურების წყვეტა 6 307-ჯერ დაფიქსირდა და შემდეგნაირად გამოიყურება:
სს „თელასი“
- გეგმური შიდა – 2 921;
- არაგეგმური წყვეტა შიდა მიზეზით – 3 386.
რაც შეეხება რეგიონებს, ელექტროენერგიის მომსახურების წყვეტების რაოდენობამ რეგიონებში ჯამში, 81 071 შეადგინა. კერძოდ:
სს „ენერგო-პრო ჯორჯია“
- გეგმური წყვეტა შიდა მიზეზით – 18 568;
- არაგეგმური წყვეტა შიდა მიზეზით – 42 158;
- გეგმური წყვეტა გარე მიზეზით – 1 775;
- არაგეგმური წყვეტა გარე მიზეზით – 18 570.
როგორც ანგარიშშია აღნიშნული, მომსახურების წყვეტების ძირითადი გამომწვევი მიზეზები იყო: ელექტრომოწყობილობა-დანადგარების დაზიანება, სარემონტო სამუშაოები, მექანიკური დაზიანება, მეტეოროლოგიური პირობების გაუარესება, გადაცემის ქსელში გამოწვეული დაზიანება, მესამე პირის (იურიდიული/ფიზიკური პირი) მოთხოვნა, გადართვები/სქემის ცვლილება.
bpn.ge
