სახლში შესვლის ნებართვა ვითხოვეთ, სანამ დგას და სანამ დაინგრევა, ნივთების გამოტანა გვინდა, მაგრამ ისევ უარი გვითხრეს. – ამის შესახებ სოციალურ ქსელში ტყიბულში, სოფელ კურსებში მეწყერის შედეგად დაზარალებული მარიამ ბეროძე წერს.
პოსტს უცვლელად გთავზობთ:
“დღე 9 მშრალად
ერთჯერადი დახმარების თანხა ჩაგვერიცხა გუშინ ანგარიშზე. 500-500 ლარი, ოჯახის წევრების რაოდენობის მიხედვით.
ბინის მეპატრონეს დოკუმენტები გამოვართვი და შტაბში მივიტანე, რომ როგორმე მალე მოგვარდეს ეს საკითხიც და მალე გადავიდეთ ქირით. 1100 ლარი ღირს ეს კონკრეტული ბინა, თუმცა რამდენი დაფინანსდება, და რამდენი გვექნება ჩვენით დასამატებელი, ეგ ჯერ არ ვიცი.სახლში შესვლის ნებართვა ვითხოვეთ, სანამ დგას და სანამ დაინგრევა, ნივთების გამოტანა გვინდა, მაგრამ ისევ უარი გვითხრეს. სამხარაულიდან ელოდებიან ვიღაც ექსპერტს, ვინც ნაგებობების მდგომარეობა უნდა შეაფასოს და მხოლოდ ამის შემდეგ შეგვეძლება სახლში შესვლა. რავი, ამასობაში თუ არ წამოიღო კიდევ რამე.უფრო და უფრო მეტს საუბრობენ ქვის კარიერებზე, რომელიც ჩემს სოფელში საკმაოდ ბევრია. ყოველდღე მახსენდება სკოლის პერიოდში რამდენჯერ აუფეთქებიათ ეგ ქვები და რამდენჯერ ზანზარებდა ხოლმე ჩემი სახლი.თუმცა რეალური მიზეზი ამ მეწყერის ჯერ კიდევ არ ვიცით. ჯერ კიდევ გეოლოგების დასკვნას ველოდებით.როგორც გვეუბნებიან, ზარალი ინდივიდუალურად დაითვლება და ინდივიდუალურად შეფასდება ანაზღაურების ნაწილიც. სავარაუდოდ, ეს უკვე ნიშნავს, რომ ეკომიგრანტებად არ დაგვარეგისტრირებენ და 30 000 ლარის იმედად არ დავრჩებით. ამაზე საუბარი არ ყოფილა.
ვნახოთ, რა იქნება. შტაბში ვინც გვხვდება, ადგილობრივები არიან და ძალიან ყურადღებიანი ხალხია, მართლა. თუმცა, ამათ იქით ვინც წყვეტს საკითხებს, ალბათ, მათზე იქნება დამოკიდებული, რა მოგველის და რამდენად სწრაფად წავა პროცესი.” – წერს სოციალურ ქსელში მარიამ ბეროძე.
ცნობისთვის, სოფელ კურსებში მეწყერი 12 მარტს გამთენიისას ჩამოწვა. დაზიანებულია 58 ჰექტარი ფართობის მიწა. მეწყერმა 15-მდე სახლი მოიყოლა, თუმცა უწყვეტი მეწყრული პროცესის გამო სახლების ნგრევა გრძელდება. სოფლიდან მაშველებმა 45 უჯახი უვნებლად გამოიყვანეს, საბედნიეროდ არავინ დაშავებულა. ადგილობრივები ქუთაისისა და ტყიბულის სასტუმროებში იმყოფებიან. ოჯახები გეოლოგების დასკვნას ელოდებიან, რომელიც, როგორც ცნობილია, რამდენიმე დღეში უნდა გასაჯაროვდეს.
სტიქია სოფელ კურსებში – ფოტორეპორტაჟი
ეს ეროვნული მასშტაბის ტრაგედიაა – რას წერს ლაშა ბერეკაშვილი სოფელ კურსებზე
„ეს მეწყერი ადამიანურმა ფაქტორმა გამოიწვია“ – გეოლოგი და ანალიტიკოსი სანდრო თვალჭრელიძე
