“დღეს სრულდება 11 წელი მას შემდეგ, რაც მრავალი პროვოკაციის შეიარაღებული შეტაკების, დიდი საერთაშორისო პროპაგანდის , კიბერ შეტევების, ეკონომიკური ემბარგოს შემდეგ, პუტინი თავს დაესხა, სრულმაშტაბიანად, საქართველოს მთელი თავისი შეიარაღებული ძალებით. ჩემთვის, 2008 წლის აგვისტოს ომი არის ყველაზე სახელოვანი ისტორია მთელი საქართველოს არსებობის მანძილზე. ეს იყო ნამდვილი გმირობის ძალიან დიდი მაგალითი. გიორგი ანწუხელიძე, შინდიოსის გმირები, ჩვეულებრივი სამოქალაქო ადამიანები, რომლებიც წარმოუდგენელ გმირობას იჩენდნენ და მთლიანად ქართული საზოგადოება ძალიან იშვიათი გამონაკლისების გარდა, შეიკრა ერთ მუშტად, დადგა ყველა ერთად რუსთაველზე, გააკეთა ცოცხალი ჯაჭვი საქართველოს მაშტაბით, არ შედრკა, უკან არ დაიხია, არ შეშინდა და დაიცვა საკუთარი ქვეყანა. ეს არის ნამდვილი გმირობა , იმიტომ რომ , ვინც არ უნდა ილაპარაკოს, პუტინის რუსეთმა ვერ გადაწყვიტა მისი ვერც ერთი სტრატეგიული ამოცანა-მათ ვერ შეძლეს საქართველოს პოლიტიკური კურსის ცვლილება, მათ ვერ შეძლეს საქართველოს მთავრობის დამხობა და მათ ვერ შეძლეს ქართველი ერის წელში გატეხვა. საქართველო მაშინ გადარჩა ჩვენი გმირების წარმოუდგენელი ძალისხმევით, ჩვენი ხალხის ერთიანობით და განსაკუთრებული გამბედაობით. მე ქედს ვიხრი ჩვენი გმირების ხსოვნის წინაშე. კარგად მახსოვს ყოველი გოჯი ჩვენი მიწის. თითოეული ჩვენგანის გულია ჩადებული თითოეულ ქართულ სოფელში, შიდა ქართლში, რომელიც გაანადგურეს ოკუპანტებმა. ჩვენ აუცილებლად გავიმარჯვებთ, მაგრამ ამისათვის ჯერ საჭიროა ამ შიდა მეხუთე კოლონის, მტრის “ნამესტნიკის”, ბიძინა ივანიშვილის ჩამოშორება საქართველოს ხელისუფლებისგან . მიხარია, რომ ის რაც ჩვენ ვერ მოვახერხეთ 2012 წელს პოლიტიოსებმა, ახლა ამას ახერხებენ ქართველი ახალგაზრდები. მე მინდა მათ მივესალმო, ვინც სიცოცხლე გარისკა 20 ივნისს, ვინც დაკარგა მხედველობა, ჯანმრთელობა, მაგრამ არ დაიხია უკან, ვინც დაკარგა თავისუფლება და ახლა იმყოფება ციხეში. ყველაფერი გამოგვივა, საქართველო აუცილებლად გაიმარჯვებს. ჩვენ ვიქნებით ისევ ყველაზე წარმატებული სახელმწიფო ევრაზიაში, როგორც ვიყავით და ვიქნებით ბევრად მეტად. დიდება საქართველოს, ღმერთი იყოს ჩვენი მფრაველი”- ასე ეხმაურება საქართველოს ექსპრეზიდენტი მიხეილ სააკაშვილი სოციალურ ქსელში 7 აგვისტოს მოვლენებს.
დიდი ოდენობით უკანონო შემოსავლის ლეგალიზაციის ფაქტზე ბრალდებული კობა ხუნდაძე პატიმრობიდან გაათავისუფლეს
განსაკუთრებით დიდი ოდენობით უკანონო შემოსავლის ლეგალიზაციის ფაქტზე ბრალდებული კობა ხუნდაძე, რომელიც სუს-ის ინფორმაციით, გრიგოლ ლილუაშვილთან დაახლოებული პირია, პატიმრობიდან გაათავისუფლეს. როგორც „ინტერპრესნიუსს“ მისმა უფლებადამცველმა განუცხადა, ხუნდაძემ პენიტენციური დაწესებულება პარასკევს, 16 იანვარს, გირაოს...
