2025 წლის 22 სექტემბრიდან სასწორის სეზონი ოფიციალურად დადგა და ის 22 ოქტომბრამდე გაგრძელდება. ეს არის პერიოდი, რომელიც ჰარმონიის, სამართლიანობისა და ბალანსის მნიშვნელობას ყველაზე უკეთ გვაჩვენებს. სასწორის ნიშნის წარმომადგენლები ხომ მთელი ცხოვრება ჰარმონიასა და სტაბილურობას ანიჭებენ უპირატესობას.
სასწორი ჰაერის ნიშანია. მას სიყვარულისა და სილამაზის პლანეტა, ვენერა მართავს. ვენერას გავლენა კი ძალიან ძლიერია. თუ ოდესმე გაგიგიათ, რომ სასწორის ნიშნის წარმომადგენლები მერყევი ხასიათის ადამიანები არიან, ეს ტყუილი არ არის. თუმცა, ისინი საოცარი დიპლომატიით გამოირჩევიან. ისინი არა მხოლოდ სიმშვიდეს ინარჩუნებენ, არამედ უსამართლობას ვერ იტანენ და აუტსაიდერებს ყოველთვის იცავენ.
მათ შეუძლიათ, ყველას მოუსმინონ და ხშირად სხვების ინტერესები საკუთარ ინტერესებზე წინ დააყენონ. საოცარი გემოვნება აქვთ, მოსწონთ სოციალიზაცია, შოპინგი და ცხოვრებაში ყველაფრის საკუთარი ესთეტიკის შესაბამისად მოწყობა.
სასწორის ნიშნის წარმომადგენლებს შესანიშნავი ინტუიცია აქვთ. მათ უამრავი სხვადასხვა იდეა გამოარჩევთ და ყოველთვის კრეატიულები არიან.
რას მოგვიტანს სასწორის სეზონი?
ქალწულის სეზონის დასრულების შემდეგ, სასწორის სეზონი შემოდგომის ენერგიასთან შეგუებისკენ მოგვიწოდებს. მაგალითად, თუ ქალწული მხოლოდ მოსავალზეა ორიენტირებული, სასწორი მოსავლით ტკბობაზე აკეთებს აქცენტს.
ამავდროულად, ყველამ სამართლიანი წილი უნდა მიიღოს. სწორედ ამ პერიოდში ბევრი ადამიანი საკუთარი შრომის შედეგს სამართლიანად ნახავს და ექნება შესაძლებლობა, შეცდომები გააანალიზოს.
სასწორის ეს სეზონი სიმშვიდისა და ჰარმონიის საჭირო ენერგიას მოიტანს და ბევრად უფრო კონცენტრირებულნი ვიქნებით. ბევრი წყვილი ურთიერთობებში სიახლის აუცილებლობაზე დაფიქრდება.
სასწორის სეზონის ყველაზე მნიშვნელოვანი თარიღებია:
- 6 ოქტომბერი: მერკური მორიელში გადადის, რაც ჩვენს შინაგან სკეპტიკოსს ააქტიურებს და პოტენციურად გარკვეულ გამოძიებას იწვევს.
- 6 ოქტომბერი: ვერძში სავსე მთვარეა. ის ასევე ცნობილია, როგორც “მოსავლის მთვარე.” მოვლენა აღნიშნავს სავსე მთვარეს, რომელიც მთლიანად ინდივიდუალობასა და გაბედულ მოქმედებაზეა ორიენტირებული.
- 13 ოქტომბერი: ვენერა სასწორში გადადის, რაც ყველას რომანტიკულ განწყობას უქმნის.
- 21 ოქტომბერი: სასწორში ახალი მთვარე სამართლიანობასა და ბალანსის აღდგენას ხელს უწყობს. ეს განსაკუთრებით ურთიერთობებში იგრძნობა.
ეს არის პერიოდი, როდესაც კომუნიკაცია აქტიურდება. ადამიანები სამსახურსა და პირად ცხოვრებას შორის ბალანსის პოვნაზე ფიქრობენ, იღებენ ლოგიკურ გადაწყვეტილებებს და ამავდროულად, ახალ იდეებზეც მუშაობენ.
