ოკუპირებული გალში, სოფელ გაგიდაში ტრაგედია ტრიალებს. ზღვაში ბანაობისას მეათეკლასელი, 15 წლის ელენე ჭოლარია დაიხრჩო. გოგონა გალის პირველი საჯარო სკოლის მოსწავლე იყო.
როგორც სოციალურ ქსელში ადგილობრივები წერენ, რომ ელენეს გადარჩენას მისი ბიძა ცდილობდა, თუმცა, სამწუხაროდ, ისიც დაიღუპა.
ტრაგედიას ზაზა გეგეჭკორი ემსხვერპლა.
“ამბობენ იქ წყლის ხვეულებია და კი აფრთხილებენ ხალხს, იქ არ იბანაონ, მაგრამ მაინც მიდიან.
არანაირი ნიშნულები არ დგას სამწუხაროდ. არ გვყავს პატრონი. შავი ზღვაა, მაგრამ სოფელ გაგიდას ტერიტორიაზე მოხდა, ამიტომ გაგიდას ზღვას ეძახიან.
გოგონას ბიძაც იყო იქ, გადასარჩენად გადახტა.”
,,გოგონას მისაშველებლად შეცურდა, მერე რომ დამხვრჩალი იპოვა, მაინც გამოათრია….და ნაპირამდე ვერ მოაღწია ისე გაუსკდა გული….ნერვიულობის ფონზე 😭😭😭😭”
