გუშინ ლილოს დასახლებაში მკვლელობა მოხდა. რესტორან “კახელებთან” მამაკაცი ავტომობილში ესროლეს. “ტვ პირველის” ინფორმაციით, მოკლულია 4 შვილის მამა, რომელიც ავეჯის ბიზნესს ფლობდა, მანქანაში გვიან ღამით, რამდენიმე გასროლით ჩაცხრილეს.
- ადგილობრივები “ტვ პირველს” უყვებიან, რომ ავტომობილს, რომლიდანაც ცეცხლი გახსნეს, სანომრე ნიშნები ჰქონდა მოხსნილი, რაც მოქალაქეებს უჩენს ეჭვს, რომ მკვლელობა წინასწარ დაგეგმილი იყო.
“დაჭრილი მამაკაცი საკუთარი თავის გადარჩენას ცდილობდა, რა დროსაც დასუფთავების მანქანას შეეჯახა” – ჰყვებიან ისინი.
“ქვევით მოსახვევში ესროლეს გაჩერებულ მამაკაცს. რამდენჯერმეა აქვს გახსნილი. 40-წლამდე კაცია. ნომრებიც მოხსნილი ჰქონდა. აქაური არ არის. მანქანაც არ მეცნობა”, – ამბობს ადგილობრივი.
შინაგან საქმეთა სამინისტროს ცნობით, მომხდარის შესახებ გამოძიება სისხლის სამართლის კოდექსის 108-ე მუხლით დაიწო, რაც განზრახ მკვლელობას გულისხმობს. ბრალდებული ჯერჯერობით დაკავებული არ არის.
წყარო: tvpirveli.ge
