მარნეულის და ჰუჯაბის ეპისკოპოსი, მეუფე გიორგი (ჯამდელიანი) ქვეყანაში მიმდინარე მოვლენებს ეხმაურება. ეპისკოპოსი განცხადებას ფეისბუქ გვერდზე ავრცელებს.
მეუფე გიორგი აცხადებს, რომ რუსთაველზე მიმდინარე მოვლენები ძალიან მძიმე დასანახია და ერის საერთო ტკივილია. მეუფე ასევე განმარტავს, რომ ძალადობა, ვისგანაც არ უნდა მომდინარეობდეს ის, მიუღებელია.
დღეს რაც ხდება რუსთაველის პროსპექტზე, ძალიან მძიმე დასანახია და არის ერის საერთო ტკივილი და ტრაგედია. ძალადობა, ვისგანაც არ უნდა მომდინარეობდეს ის,არის მიუღებელი! ჩემო ძმებო და დებო, ნუ დავადგებით კაენის გზას, რისგანაც დაიფაროს ღმერთმა ღვთისმშობლის წილხვედრი ივერია, უახლესმა ისტორიამ ნათლად დაგვანახა, თუ რა მოუტანა ქვეყანას ძმათა დაპირისპირებამ, ჭრილობები ბოლომდე დღესაც კი არ მოგვიშუშებია.
როგორც ქალაქი დარღვეული და უგალავნო , ამგვარია ადამიანი, რომელიც ბჭობით არ აკეთებს საქმეს(იგავ. 25.28.).
მოვუსმინოთ ერთმანეთს, ნუ ვიქნებით კატეგორიულები, ჩვენ ხომ ყველას საქართველოს ნათელი მომავლისა გვწამს! “უფალმა ძალი ერსა თვისსა მოსცეს , უფალმან აკურთხოს ერი თვისი მშვიდობით”! გიორგი ეპისკოპოსი მარნეულისა და ჰუჯაბის.
