ადვოკატი ლევან ჭელიძე დააკავეს – მას ორ თვიანი წინასწარი პატიმრობა შეეფარდა. უფლებამდაცვლეს ჟურნალისტ ბუბა ჩივაძის თვითმკვლელობადე მიყვანას ედავებიან.
“შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულის მიერ სოციალურ ქსელ „ფეისბუქზე“, 2022 წლის იანვრიდან 2023 წლის ოქტომბრის პერიოდში, პირადი უთანხმოების გამო, სისტემატურად ათავსებდა დაზარალებულის პატივისა და ღირსების შემლახველ პოსტებს, რაც დაზარალებულში იწვევდა ფსიქიკურ ტანჯვასა და უქმნიდა ცხოვრების წესის მნიშვნელოვნად შეცვლის რეალურ საჭიროებას. ამის გამო, 2023 წლის 17 ოქტომბერს, დაზარალებულმა თვითმკვლელობის მიზნით მარცხენა ზედა კიდურზე, ბასრი საგნის გამოყენებით მიიყენა დაზიანება და დროულად გაწეული სამედიცინო დახმარების შედეგად მოხერხდა მისთვის სიცოცხლის შენარჩუნება.”-ვკითხულობთ პროკურატურის მიერ გავრცელებულ ინფორმაციაში.
ბრალი ლევან ჭერლიძეს საქართველოს სისხლის სამართლის კოდექსის 115-ე მუხლის პირველი ნაწილით (თვითმკვლელობის ცდამდე მიყვანა მსხვერპლის პატივისა და ღირსების სისტემატური დამცირებით) და 151¹ მუხლის პირველი ნაწილით ( ადევნება – ელექტრონული საშუალებით სისტემატურად არასასურველი კომუნიკაცია რაც იწვევს პირის ფსიქიკურ ტანჯვას და რაც პირს ცხოვრების წესის შეცვლის რეალურ საჭიროებას უქმნის) წარედგინა, რაც სასჯელის სახით2-4 წლამდე ვადით თავისუფლების აღკვეთას ითვალისწინებს .
ცნობისთვის, 2023 წლის 18 ოქტომბერს, ჟურნალისტმა ბუბა ჩივაძემ თვითდაზიანებები ქუთაისში, სუს-ის წინ მიიყენა.
მაშინ ის ამბობდა: ” მივიღე გადაწყვეტილება…… ნუ შეგეშინდებათ, მეგობრებო და ჩემო გადარჩენილო ხალხო. ჩემი პროფესიული საქმიანობა დაუცველია ამ ქვეყანაში. … ერთს მაინც გავაკეთებ, გადავარჩენ ათეულობით იმ ადამიანს, რომლებიც ჩემნაირად შანტაჟის და ბულინგის მსხვერპლნი არიან. ყველანი მიყვარხართ”,- ამ სიტყვებით მიმართა მან საზოგადოებას სოციალური ქსელის პირდაპირ ეთერში.
ჩემი პროფესიული საქმინობა დაუცველია ამ ქვეყანაში – ქუთაისში ჟურნალისტმა თვითდაზიანებები მიიყენა
