2023 წლის განმავლობაში, ტრანსლიტერაციის წესის დარღვევის გამო, მონიტორინგის სამმართველოს რეკლამების მონიტორინგის განყოფილებამ ჯამში 16 ადმინისტრაციულ სამართალდარღვევათა ოქმი გამოწერა. ამის შესახებ „ბიზნესპრესნიუსს“ თბილისის მერიიდან აცნობეს.
მათივე ინფორმაციით, გასულ წელს გამოწერილი ჯარიმების მოცულობამ, ჯამში 63 000 ლარი შეადგინა.
რაც შეეხება ობიექტებს, რომლებიც ქართულენოვანი წარწერების წესების დარღვევისთვის დაჯარიმდნენ, თითოეულს მაქსიმუმ 7000 ლარამდე თანხის გადახდა დაეკისრა.
უფრო დეტალურად, გთავაზობთ კომპანიების ჩამონათვალს:
- ბათუმში მდებარე შპს ,,დალია 2012”- ჯარიმის მოცულობა 3000 ლარი
- ,,გე თე ეს ჯგუფი” – რუსთავის გზატკეცილი – 3000 ლარი
- ,,მეჯიქ ქლაუდ” – თბილისი, ვარკეთილი – 3000 ლარი
- ,,მაიდონოზ” – გურჯაანი, სოფელი ქვემო ლამბალო – 3000 ლარი
- ,,ბურჰან” – თბილისი დიდუბის რაიონი – 3000 ლარი
- ,,მილა 2018” – თბილისი – 3000 ლარი
- ,,კაფე კეში” – გარდაბნის რაიონი, სოფელი ფოლადაანთკარი – 3000 ლარი
- ,,დუბაი კაფე” – ახალციხის რაიონი, აბი – 5000 ლარი
- ,,პალერმო”- თბილისი, ვარკეთილი, – 5000 ლარი
- ,,სოშიალ” – თბილისი – 5000 ლარი
- ,,მაიდონოზ” – გურჯაანი, სოფელი ქვემო ლამბალო – 7000 ლარი
- ,,მეტრომარტ” – თბილისი, რკინიგზის ცენტრალური ვაგზალი – 6000 ლარი
- ,,დიემთი ქორფორეიშნ” – თბილისი – 5000 ლარი
- ,,სოპფეთ ზამან” – თბილისი – 5000 ლარი
- ,,სასტუმრო აბასთუმანი” – თბილისი – 3000 ლარი.
