ძალიან დიდი, 80 ათასი კუბური მეტრის მასაა ჩამოწოლილი, რამაც გამოიწვია სამუშაოების შეფერხება და დროში გაწელვა – აცხადებენ საავტომობილო გზების დეპარტამენტში ქუთაისი-ალპანა-მამისონის შიდასახელმწიფოებრივ გზაზე ჩამოწოლილ მეწტყერთან დაკავშირებით, რომელმაც გზა თითქმის ერთი თვეა ჩაკეტა.
როგორც საავტომობილო გზების დეპარტამენტში ამბობენ, კონკრეტულად ამ მონაკვეთს ალტერნატიული, შემოსავლელი გზა არ აქვს, მაგრამ თუ მოსახლეობას ქუთაისიდან რაჭის მიმართულებით სურს გადაადგილება, მაშინ ქუთაისი-ტყიბული-ამბროლაურის საავტომობილო გზით უნდა ისარგებლოს.
რაც შეეხება გზის დაზიანებული მონაკვეთის გახსნას, საავტომობილო გზების დეპარტამენტის ინფორმაციით, თუ მეტეოროლოგიური პირობები კარგი იქნება გზა ათი დღის ვადაში გაიხსენება.
გარემოს ეროვნული სააგენტოს ხელმძღვანელი ვასილ გედევანიშვილი ზუსტად ვერ იხსენებს ჰქონდათ თუ არა შეფასება რიონის ხეობაზე.
გარემოს ეროვნული სააგენტოს კოლხეთის ჰიდრომეტეოროლოგიური ობსერვატორიის უფროსი ავთანდილ ქვაჩაკიძე აღნიშნავს რომ ნებისმიერმა მეწყრემა შესაძლოა საფრთხე შეუქმნას მდინარეს.
ცნობისთის, ქუთაისი-ალპანა-მამისოსნის 47-ზე კილომეტრზე მეწყერი 9 თებერვლას ჩამოწვა. გზა მას შემდეგ ჩაკეტილია, მეწყერმა დააზიანა ელექტოგადამცემი ბოძები. სოფლის მოსახლეობას ქალაქთან დასაკავშირებლად ხანგრძლივი გზის გავლა უწევს.
ადგილობრივები შიდასახელწიფოებრივი გზის მოწესრიგებას ითხოვენ და ამბობენ რომ გზა, ნამოხვანჰესის გამო 40 წელია მიზანმიმართულად არ კეთდება.
