ქუთაისში წყალარინების ქსელის მოწყობა 2024 წლის მესამე კვარტალში, ხოლო წყალარინების გამწმენდი ნაგებობის – 2024
წლის მეორე კვარტალშია დაგეგმილი. ამის შესახებ მეგა ტვ-ის ინფორმაცია გაერთიანებული წყალმომარგების კომპანიამ მიაწოდა.
სამშენებლო სამუშაოები განხორციელდება სამ ფაზად. პირველ ფაზაში განსაზღვრულია
116 კმ. ქსელის და 35 კმ. სატრანსპორტო კოლექტორების რეაბილიტაცია/მშენებლობა და 80,000
ბენეფიციარზე გათვლილი წყალარინების გამწმენდი ნაგებობის მშენებლობა.
“2021 წლის 20 მაისს CDM SMITH EUROPE GMBH (LEADER) (GERMANY)/SAUNDERS
GROUP LTD. (MEMBER) (GEORGIA)-სა და კომპანიას შორის გაფორმებული ხელშეკრულების
ფარგლებში, კონსულტანტი ახორციელებს წყალარინების ქსელის პროექტირებას,
წყალარინების გამწმენდი ნაგებობის კონცეპტუალურ პროექტირებას, სამუშაოების
განმახორციელებელი კონტრაქტორის შესარჩევად სატენდერო დოკუმენტაციის მომზადებას
და სამშენებლო სამუშაოების ზედამხედველობას.საქართველოსა და ევროპის საინვესტიციო ბანკს (EIB) შორის გაფორმებული ფინანსური
ხელშეკრულების საფუძველზე, ქუთაისის წყალარინების ფარგლებში განსახორციელებელი
ღონისძიებების დაფინანსების მიზნით, EIB-მ საქართველოს გამოუყო 100 მილიონი ევრო
სესხის სახით. ასევე, აღნიშნული პროექტის თანადაფინანსებისათვის აღმოსავლეთ
პარტნიორობის ტექნიკური დახმარების სატრასტო ფონდიდან (EPTATF) გამოიყო 3,250,000
ევროს ოდენობით გრანტი.” -ვკითხულობთ გაერთიანებული წყალმომარგების კომპანიის მიერ მიერ მოწოდებულ ინფრომაციაში
