ქუთაისის ცენტრალური ბულვარის რეკონსტურქციის ესკიზის გავრცელებას სოციალურ ქსელში დიდი გამოხმაურება მოჰყვა.
როგორც მოქალაქეები წერენ, მუნიციპალური განვითარების ფონდის მიერ ტელეკომპანია “მეგა ტვ”-თვის მოწოდებულ ესკიზში ფოტოები ინტერნეტიდანაა აღებული. ფაქტს მოქალაქეები ქალაქის შეურაცხყოფად აფასებენ.
“ასე ასაგდები არ არის ქუთაისის ისტორიული პარკი და იმედია პროექტს შეცვლიან
როგორ მიხარია, ქუთაისში ახალ ბულვართან ერთად, ზღვაც გადმოაქვთასე , შაბლონა რენდერებში მოგდებული პროექტები როდემდე უნდა იყოს ამ ქალაქში?” – წერს სოციალურ ქსელში ლაშა ბერეკაშვილი.
“ინტერნეტიდან ამოღებული ფოტოებია. შაბლონიც არაა” – წერს სოციალურ ქსელში ლევან ჭანჭალეიშვილი და ესკიზში გამოყენებული ფოტოების ინტერნეტ ლინკებს აზიარებს.
“რენდერი იმისთვის არის გაკეთებული რომ რენდერი უნდა იყოსრა საინტერესოა პროექტის ჩამბარებელი რა “სასტავი” იყო, დეტალური განხილვა თუ იყო? და ზოგადად როცა საზოგადოების დაიბტერესება დიდია საჯაროდ რატო არ განიხილავენ ასეთ პროექტებს? ბოცას გემოვნება საკნარისი და კომპეტენტურია? ასე თვლის ხალხი? პროექტის კაი და ცუდობაზე მერე ვილაპარაკოთ” – წერს სოციალურ ქსელში არჩილ გეგენავა.
“რენდერიც არაა, ინსტაგრამიდან მოპარული ფოტოები :((” – წერს გოჩა უგულავა.
მუნიციპალური განვითარების მიერ “მეგა ტვ”-სთვის საჯარო ინფორმაციის მოთხოვნის წერილში აღნიშნულია რომ, ქუთაისის ცენტრალური ბულვარის რეკონსტრუქციის პროექტის ღირებულება 14,850,000.00 ლარს შეადგენს.
ესკიზის მიხედვით პარკში იცვლება გეგმარება. ემატა 90 მეტრის სიგრძის და 20 მეტრის სიგანის ხეივანი, სავალი ბილიკის განიერი ზოლი, რომელიც ნაწილობრივ დაიფარება მწვანე საფარით. მოცემული მონაკვეთი ბულვარისთვის დამახასიატებელ გარემოს ქმნის, საკმაოდ აქტიურად განლაგებული დასაჯდომი სივრცეებით და ალაგ-ალაგ გაბნეული მცირე ზომის ხეებით. ესკიზი ითვალისწინებს არსებული შადრევნების შენარჩუნებას და განახლებას, ასევე ახალი ტიპის შადრევნის დამატებას. ცენტრალური კოლონადებიანი შემოსასვლელის ორივე მხარეს დაემატება პანდუსი შეზღუდული შესაძლებლობის მქონე პირთათვის. ცენტრალური კოლონადებიანი შესასვლელი განახლდება. ბულვარში მართკუთხა შადრევნებთან ერთად გაჩნდება წრული ფორმის შადრევანი. იგეგმება სამი სხვადასხვა ტიპის სკამების დადგმა, განათებებისა და ნაგვის ურნების შეცვლა. ბულვარში დაგეგმილია განაგრძეთ კითხვა
