636 ლარი 20 ლარის ნაცვლად – პროფკავშირები მინიმალური ხელფასის სტანდარტის დაწესების შესახებ პარლამენტში დღეს ინიციატივას შეიტანს.
“დღეს, 6 ოქტომბერს, 12:00 საათზე, პარლამენტში ღირსეული მინიმალური ხელფასის დაწესების შესახებ ინიციატივას შევიტანთ.
ვითხოვთ, დაწესდეს ღირსეული მინიმალური ხელფასის სტანდარტი, საქსტატის მიერ გამოანგარიშებული საშუალო ხელფასის 40%-ის ოდენობით, რაც დღეის მდგომარეობით 636 ლარს შეადგენს.
საკანონმდებლო ორგანოს უკანა შესასვლელთან აქტივისტები შეიკრიბებიან. პროფკავშირების გაერთიანების თავმჯდომარე, ირაკლი პეტრიაშვილი განცხადებას გააკეთებს და ინიციატივას დაარეგისტრირებს. გელოდებით ყველას!” – ნათქვამია პროფკავშირების მიერ გავრცელებულ ინფორმაციაში.
დღეს საქართველოში 12 555 ადამიანს თვეში საშუალოდ 55 ლარის ანაზღაურება აქვს.
თითქმის 30 წელია საქართველოში მინიმალური ხელფასი თვეში 20 ლარით არის განსაზღვრული.
მინიმალური ხელფასის ოდენობა საქართველოში საბაზრო ურთიერთობათა პირობებში შრომის ანაზღაურების სახელმწიფო რეგულირების, დაქირავებულ მუშაკთა სოციალური დაცვის მიზნით და „საქართველოს 1999 წლის სახელმწიფო ბიუჯეტის შესახებ“ კანონის შესაბამისად 1999 წელს თვეში 20 ლარით განისაზღვრა და მას შემდეგ არ შევლილა.
