საქართველოს გაერთიანებული წყალმომარაგების კომპანიის ინფორმაციით
ევროპის საინვესტიციო ბანკის (EIB) სასესხო ხელშეკრულების ფარგლებში (სესხის თანხა 100 მლნ.
ევრო) ქალაქ ქუთაისში მიმდინარეობს „ქუთაისის წყალარინების რეაბილიტაცია მშენებლობის
პროექტი“. 2021 წლის 20 მაისს კომპანიასა და CDM SMITH EUROPE GMBH (LEADER)
(GERMANY)/SAUNDERS GROUP LTD. (MEMBER) (GEORGIA)-ს შორის გაფორმებული ხელშეკრულების
ფარგლებში, საკონსულტაციო კომპანია ახორციელებს პროექტირებას. პროექტის პირველი ფაზის
დეტალური დიზაინი დასკვნით ეტაპზეა, რის შემდეგაც დაიწყება პროექტით გათვალისწინებული
სამუშაოების საერთაშორისო შესყიდვის პროცედურები. საერთაშორისო ტენდერით მოხდება შესყიდვა
და გამოვლინდება კონტრაქტორი კომპანია, რომელიც შეასრულებს სამშენებლო სამუშაოებს. პროექტის
პირველ ფაზაში გათვალისწინებული 68 კმ წყალარინების ქსელისა და გამწმენდი ნაგებობის
მშენებლობის დასრულების სავარაუდო თარიღია 2026 წელი.
აგრეთვე, გაცნობებთ, რომ კომპანიასა და შპს „აიტი სერვისს“ შორის 2023 წლის 09 იანვარს
გაფორმდა სახელმწიფო შესყიდვის შესახებ №T-010901 ხელშეკრულება (NAT220022723), რომლის საგანს
წარმოადგენს ქალაქ ქუთაისში წყალმომარაგება – წყალარინების ქსელების ამორტიზებული მილების
რეაბილიტაციის პროექტირება – მშენებლობის სამუშაოების სახელმწიფო შესყიდვა.
ხელშეკრულების ჯამური ღირებულება შეადგენს 889,894.14 (რვაას ოთხმოცდაცხრა ათას რვაას
ოთხმოცდათოთხმეტი ლარი და 14 თეთრი) ლარს. საპროექტო სამუშაოების დასრულების თარიღია 2023
წლის 10 აპრილი, ხოლო სამშენებლო სამუშაოების დასრულების თარიღია 2023 წლის 09 ივლისი.
ხელშეკრულება ძალაშია 2023 წლის 31 ოქტომბრის ჩათვლით
