1971 წლის 2 დეკემბერს დაიბადა იტალიელი მეკარე ფრანჩესკო ტოლდო. პროფესიონალური კარიერის განმავლობაში, რომელიც გაგრძელდა ორი ათეული წელი, იცავდა „ფიორენტინას“ და „ინტერის“ ღირსებას. კარიერის განმავლობაში მოიგო 15 ტიტული, ბოლო ხუთი წლის განმავლობაში ის იყო „ნერაძურის“ სარეზერვო მეკარე. იტალიის ეროვნული საფეხბურთო ნაკრების შემადგენლობაში ტოლდო მონაწილეობდა ხუთ საერთაშორისო ჩემპიონატში. ტოლდომ კარიერა დაიწყო საფეხბურთო კლუბ „მილანში“. თუმცა მას არ უთამაშია კლუბის ძირითად შემადგენლობაში. მისი შემდგომი კლუბები იყო „ელას ვერონა“, „ტრენტინო კალჩო 1921“ და „რავენა კალჩო“. შემდეგ ის გადავიდა „ფიორენტინაში“, სადაც რვა სეზონის განმავლობაში გუნდთან ერთად მოიგო იტალიის საფეხბურთო თასი და ერთხელ იასპარეზა ჩემპიონთა ლიგაზე. ფიორენტინას გაკოტრებამდე ერთი წლით ადრე, 2001 წელს, ტოლდო გადავიდა „ინტერში“, სადაც იყო გუნდის ძირითადი მეკარე 2005 წლის ზაფხულამდე, სანამ გუნდში არ მოვიდა ბრაზილიელი მეკარე ჟულიო სეზარი. 2006 წლის თებერვალში ტოლდომ გაახანგრძლივა კონტრაქტი „ინტერთან“ 2009 წლის ივნისამდე[1]).
2009 წლის აპრილში, 37 წლის მეკარემ, რომელიც კვლავ სეზარის შემცვლელი იყო, ხელი მოაწრა 2-წლიან კონტრაქტს 2011 წლის ზაფხულამდე.[2][3]
2010 წლის ივნისში გავრცელდა ცნობა, რომ ტოლდო მიდიოდა ფეხბურთიდან, სანამ კლუბი გააფორმებდა კონტრაქტს სეზარის შემცვლელ გოლკიპერთან, ლუკა კასტელაცისთან.
