თაღლითობა მიხეილ სააკაშვილის, ნიკა მელიას და ნონა მამულაშვილის სახელით – უცხოეთში მცხოვრებ ქართველებს 20 წლის სამეგრელოს მკვიდრი გიორგი ოჩიგავა ფულს სძალვდა
ოჩიგავა ემიგრანტებს ,,ენმ” ლიდერების, ნიკა მელიას, ნონა მამულაშვილის, სახელით უკავშირდებოდა და ეუბნებოდა, რომ ,,ნაცმოძრაობას” მიხეილ სააკაშვილის მხარდამჭერი აქციის ორგანიზებისთვის ფული სჭირდებოდა. ხალხი თანხას რიცხავდა, თუმცა აქციების ორგანიზების ნაცვლად ფულიოჩიგავას პირად ანგარიშზე ირიცხებოდა.
გიორგი ოჩიგავა ,,ტვ პირველთან” საუბრისას არ უარყოფს, რომ ემიგრანტრებისგან ფულს იღებდა, თუმცა, მისი განმარტებით, თანხა მას მიხეილ სააკაშვილის მხარდამჭერ აქციებზე ჩასასვლელად, გზისა და სიგარეტის ფულად სჭირდებოდა.
დამიკავშირდა ერთი პიროვნება და მითხრა, ერთი წამოწყება გვქონდაო ეს აქციების თემებიო, გარკვეულმე პიროვნებებმა ჩაგვირიცხა თანხებიო, მაგრამ ფული არ გვეყოო. ახლა ეს ყველაფერი უნდა განახლდესო. ხომ ხედავთ, მიშა რა დღეშიც არისო-ემოციურად გველაპარაკებოდა.
როგორც ვიცი, ამ ეტაპზე 3-4 ემიგრანტს ფული გადარიცხული აქვს. კიდევ აგრძელებს ეს პიროვნება რეკვას. აგერ ფლორენციაში ვართ და ჩვენც დაგვიკავშირდნენ. – საუბრობს ტვ პირველთან ქართველი ემიგრანტი.
წყარო:ტვ პირველი
