“გოჩა ხორავამ ქართველი მებრძოლი გივი გნოლიძე მოკლა უკრაინაში. სამწუხაროა რომ, რუსებთან 3 წლიან ბრძოლის მიუხედავად გივის არაფერი დაემართა, მაგრამ ხორავას 12 კაციანმა დაჯგუფებამ ღამით, ჩუმად სახლში შეპარვის შემდეგ, მძინარე ქართველ მებრძოლს ესროლა” – ამის შესახებ სოციალურ ქსელში ინფორმაცია ალი კავკასიელის ბლოგზე გავრცელდა. “მეგა ტვ”-ს ასევე ოჯახის ახლობელი დაუკავშირდა და აცნობა რომ მათ ინფორმაციის გავრცელება სურდათ.
უკრაინაში მოკლული გივი გნოლიძის ძმა, დიმა გნოლიძე “მეგა ტვ”-თან საუბრისას აღნიშნავს რომ, გოჩა ხორავამ 12 უკრაინელთან ერთად მის ძმას სახლში ღამით მიაკითხა, მოკლა და ცხედარი თან წაიღო.
“ერთ ბატალიონში მსახურობდნენ, გოჩა იყო ჩემი ძმის მეთაური. გოჩა ხორავას საქციელები არ მოეწონათ მებრძოლ ბიჭებს, დასხდნენ სალაპარაკოდ რომ უნდა გაყოფილიყვენენ, გოჩა წავიდოდა თავის გზაზე, ჩემი ძმა და თავისი ბიჭები დარჩებოდნენ ცალკე. ასეთი სიტუაცია მოხდა რომ გაიყვნენ, მერე არ ვიცი რამდენ ხანში, გაიგო (გოჩა ხორავამ) ადგილსამყოფელი ბიჭების, მოსული იყვნენ ფრონტიდან, ღამე დაადგა 12 კაცთან ერთად, უკრაინელ კაცთან ერთად, ჩემი ძმა თავის 5 მეგობართან ერთად იყო სახლში. ცხედარი გადამალა, წაიღო იმის მიზნით ცხელ წერილში თუ წინა ხაზზე დაეგდო და გაესაღებინა ისე, რომ ეს ბიჭი მოკვდა რუსებთან ბრძოლაში, ეს იყო მაგისი იდეა. და ის ფაქტი, რაც ჩაფიქრებული ჰქონდა ჩემი ძმის ცხედართან დაკავშირებით ეგ არ არის მაგისი პირველი ფაქტი, მაგას ეგ სხვა დანარჩენ ბიჭებზეც აქვს გაკეთებული.
ცხედრის ძიებაში ვართ ახლა. ერთადერთი კონტაქტი მაქვს მებრძოლებთან. როგორც ვიცი უკრაინის უშიშროებაც და პოლიციაც ჩარეულია და გამოძიება დაწყებულია, თუმცა მე არავინ დამკავშირებია. მე მინდა ჩემი ძმის ცხედარი ” – აცხადებს გივი გნოლიძის ძმა დიმა გნოლიძე “მეგა ტვ”-თან საუბრისას.
“მეგა ტვ” უკრაინაში მოკლული გივი გნოლიძის მეუღლეს მარი წიქარიშვილს ესაუბრა, რომელმაც განაცხადა რომ დაშავებული არიან მისი მეუღლის თანამებრძოლებიც. მისი თქმით სწორედ ერთ-ერთმა მათგანმა დაინახა, როგორ წაიღო გივი გნოლიძის ცხედარი გოჩა ხორავამ.
“არ მინდა რომ არასწორი ინფორმაცია გავრცელდეს, რომ ეს ბიჭი რუსებმა მოკლეს. ყველამ უნდა იცოდეს, რომ ეს ბიჭი არ მოუკლავთ რუსებს და შეიწირა ვიღაცა სატანა, ნარკომანმა გოჩა ხორავამ. ერთი სასიკვდილოდ არის ნაცემი და კომაშია, კონდახით ჩაუმტვირეს მთელი სახე და სხეული , ორი დაჭრილია და ერთს ჩაარტყეს ბოთლი თავში. ერთ-ერთი, რომლიც ცოტა უფრო გონზე იყო მან დაინახა როგორ დააგდო პიკაპზე მიცვალებული და წაიყვანა. ჩემი ქმრის ცხედარი მინდა და არ მინდა ამ ბიჭის სისხლი ასე უკვალოდ გაქრეს და იმ არაადამიანმა მშვიდად იცხოვროს ამ ქვეყანაზე. ადამიანი რომელიც ფულის გამო ქართველებს არ ინდობდა.
– არ დანდობაში რას გულისხმობთ?
თუნდაც ის მიცვალებულების ხაზთან დაყრას და მერე თანხების მოთხოვნას, იმიტომ რომ დაღუპული ბიჭების ოჯახებს მერე რაღაც კომპენსაციას უხდიდა მთავრობა, ეხმარებოდა.” – აცხადებს გივი გნოლიძის მეუღლე მარი წიქარიშვილი “მეგა ტვ”-თან საუბრისას.
“მეგა ტვ” საკითხზე მუშაობას აგრძელებს.
