“როცა ამდენი პაციენტია, არსებობს ეჭვი და რისკი, რომ ყველას სათანადო ყურადღება ვერ ექცევა” – ამის შესახებ ალერგოლოგ-იმუნოლოგმა ბიძინა კულუმბეგოვმა განაცხადა.
როგორც ბიძინა კულუმბეგოვი ამბობს, მის გარშემო ბევრი ადამიანი ვერ იღებს იმ ანტივირუსულ პრეპარატებს, რომელიც საქართველომ კოვიდპაციენტების სამკურნალოდ შემოიტანა.
“განსხვავებული იქნება სამედიცინო მიდგომაც, მაგრამ აისახება თუ არა ეს ფატალურ შედეგებზე და ყველგან დაცულია თუ არა პროტოკოლი, ამას დამოუკიდებელი ექსპერტების დასკვნა გვიჩვენებს.
პრეპარატები, რომლებიც დღეს გვაქვს, არ ვიცი, როგორ გამოიყენება. ჩემ ირგვლივ პაციენტები, რომლებიც საავადმყოფოებში წვანან, არ იღებენ ამ წამლებს და ჩემთვის ჩნდება სერიოზული კითხვები: მაშინ ვინ იღებს მათ?” – ამბობს კულუმბეგოვი “კვირის პალიტრასთან” ინტერვიუში.