დაავადებათა კონტროლის ეროვნული ცენტრის დირექტორის მოადგილის პაატა იმნაძის განცხადებით, კორონავირუსის გავრცელების თვალსაზრისით ამჟამად საქართველოში პიკია.
მისი თქმით, ახლა მთავარი ამოცანაა, რომ ვირუსით ინფიცირებულთა რაოდენობამ არ მოიმატოს.
„მგონი, საკმაო ხანია ვამბობდით, რომ აპრილის ბოლო კვირა და მაისის დასაწყისი ყველა გათვლებით ქვეყანაში ავადობის პიკი უნდა ყოფილიყო. ძალიან დიდი ბოდიში, თუ ვინმეს იმედები გავუცრუეთ და ეს პიკი არ არის ათასობით და ათეულობით შემთხვევაა. კი, ახლა წესით პიკში ვართ და ჩვენი ამოცანა იქნება, ეს პიკი, რაც შეიძლება მეტხანს დავიჭიროთ პლატოზე და როგორც ერთმა ჩემმა კოლეგამ თქვა, ეს არ იყოს ჯომოლუნგმა და იყოს პატარა გორაკი “, – განაცხადა იმნაძემ.
ცნობისთვის, დღეს კორონავირუსით კიდევ ერთი, მე-6 პაციენტი გარდაიცვალა. როგორც თსსუ-ს პირველი საუნივერსიტეტო კლინიკის დირექტორმა ლევან რატიანმა განაცხადა, გარდაცვლილი 83 წლის იყო, ქრონიკული პათოლოგიებით. ქვეყანაში კორონავირუსის დადასტურებული შემთხვევების რაოდენობა 485-ს შეადგენს, მათგან 139 გამოჯანმრთელდა.
რესტორანში, კაცი ბრმა ტყვიით დაჭრეს
გავრცელებული ინფორმაციით, თელავში, სოფელ რუისპირში, ერთ-ერთ რესტორანში, კაცი ბრმა ტყვიით დაჭრეს. არსებული ცნობების თანახმად, საპატრულო პოლიციის თანამშრომელმა იარაღიდან შემთხვევით გაისროლა, ხოლო ტყვია სუფრასთან მყოფ კაცს თავის არეში მოხვდა. ...
