‘’ზოგადად ქართუ და ბიძინა ივანიშვილი წლებია ქველმოქმედებას ეწევა ამ ქვეყანაში და რათქმაუნდა ეს კიდევ ერთი დამადასტურებელი ფაქტია ჩემთვის, როგორც მთავრობის მეთაურისთვის, რომ ჩვენ ქვეყანაში გვყავს უნიკალური დაზღვევა, ადამიანის სახით. ქვეყანას სისტემური ჩავარდნა აქვს და სისტემურად გვჭირდება დახმარება ეს ადამიანი და ეს ფონდი გვეხმარება ყველგან იქ სადაც სახელმწიფოს უჭირს ‘’ – განაცხადა გიორგი გახარიამ 2020 წლის 9 აპრილს ბიძინა ივანიშვილზე
თუმცა დღეს ბიძინა ივანიშვილსა და გიორგი გახარიას შორის დამოკიდებულებები შეიცვალა.
‘’თებერვალში გიორგი გახარიას ქმედება იყო საკუთარი გუნდის ღალატი. და რაც კიდევ უფრო მნიშვნელოვანია, ეს იყო საკუთარი სახელმწიფოს პირდაპირი ღალატი. სამართლისა და კანონის უზენაესობა არის ნებისმიერი სახელმწიფოს ქვაკუთხედი. უპირველეს ყოვლისა, სწორედ კანონის უზენაესობის მიმართ დამოკიდებულებით უნდა შეფასდეს და გაიზომოს ნებისმიერი პოლიტიკოსისა და სახელმწიფო თანამდებობის პირის საქმიანობა და მოღვაწეობა. როდესაც უმაღლესი რანგის თანამდებობის პირი კანონის უზენაესობის წინააღმდეგ გამოდის და ამ საბაბით თანამდებობას ტოვებს, ამაზე დიდი პოლიტიკური დანაშაული ძნელი წარმოსადგენია. მინდა მწუხარებით აღვნიშნო, რომ ამ ყველაფერმა ჩემი მძიმე იმედგაცრუება გამოიწვია ‘’
გიორგი გახარია კი ბიძინა ივანიშვილს ასე პასუხობს
‘’მოვლენები იმაზე საინტერესოდ და სწრაფად ვითარდება, ვიდრე მოსალოდნელი იყო…
სიმართლეს ვერავინ და ვერაფერი შეაჩერებს. საბოლოო ჯამში, ამას ყველა გაიგებს.
ისევ ჭორაობის გარეშე, ვერთიანდებით საქართველოსთვის, არავის წინააღმდეგ!” -წერს გახარია სოციალურ ქსელში. ‘’
